മലപ്പുറം: തേഞ്ഞിപ്പാലത്ത് ഗോഡൗണിൽ അനധികൃതമായി സംഭരിച്ച 16000 ലിറ്റർ ഡീസൽ പൊലിസ് പിടികൂടി. തേഞ്ഞിപ്പലം കൊയപ്പാടം പെരിഞ്ചീരിമാട് സലാം ഹാജിയിൽ നിന്ന് വയനാട് മേപ്പാടി സ്വദേശിയായ അബ്ദുൽ ലത്തീഫ് വാടകക്കെടുത്ത കെട്ടിടത്തിലായിരുന്നു ഈ അനധികൃത ഇന്ധനം സംഭരണം നടന്നത്.  കൂടാതെ, ഇന്ധനം മാറ്റാനുള്ള അത്യാധുനിക പമ്പിങ് യൂണിറ്റുകളും പൊലിസ് പിടിച്ചെടുത്തിട്ടുണ്ട്. യാതൊരു സുരക്ഷയും കൂടാതെ ജനവാസ മേഖലയിലായിരുന്നു ഇന്ധനം സൂക്ഷിച്ചിരുന്നത്. 

അതേസമയം ഇന്ധനം സംഭരിച്ചിരുന്ന ഈ ​ഗോഡൗണിന് പഞ്ചായത്തിന്‍റെ അനുമതിയുമുണ്ടായിരുന്നില്ല. സംഭവ സ്ഥലത്തെത്തിയ ഭാരത് പെട്രോളിയം മലപ്പുറം ജില്ലാ സീനിയർ മാനേജർ സി.എച്ച് നാഗരാജു പരിശോധനക്കായി സാമ്പിളുകൾ ശേഖരിച്ചിട്ടുണ്ട്. കോഴിക്കോട് ഫറൂഖിൽ കഴിഞ്ഞ ദിവസം വ്യാജ സ്റ്റിക്കർ പതിച്ച് ഇന്ധനം കടത്താൻ ശ്രമിച്ച ടാങ്കർ ലോറിയും ഇന്ധനവും പൊലിസിന്റെ പിടിയിലായ സംഭവമാണ് ഈ പരിശോധനയ്ക്ക് കാരണമായത്. പിടിയിലാവരിൽ നിന്നും ലഭിച്ച വിവരത്തിന്‍റെ അടിസ്ഥാനത്തിലായിരുന്നു കൂടുതൽ തെളിവുകൾക്കായി ​ഗോഡൗണിൽ പരിശോധന നടത്തിയത്.

In a major crackdown, Malappuram police seized 16,000 liters of illegally stored diesel from a godown in Theenippalam, Koyappadam. The unauthorized fuel storage was operated in a building rented by Abdul Latheef, a native of Meppadi, Wayanad, from the owner Salam Haji Perincheerimatt.