കാസർകോട്: 108 കിലോ കഞ്ചാവ് കേസിൽ പ്രതിയെ പിടികൂടാൻ എത്തിയ എക്സൈസ് ഉദ്യോഗസ്ഥരെ കമ്പി കൊണ്ട് കുത്തി പരിക്കേൽപ്പിച്ചു. കാസർകോട് സംഭവം ഉണ്ടായത്. എക്സൈസ് നർക്കോട്ടിക് സ്ക്വാഡിലെ ഉദ്യോഗസ്ഥരായ പ്രജിത്തും രാജേഷുമാണ് പ്രതിയുടെ ആക്രമണത്തിന് ഇരയായത്.

ബംബ്രാണ സ്വദേശി അബ്ദുൽ ബാസിത്തിനെ അറസ്റ്റ് ചെയ്യുന്നതിനിടെയാണ് ഈ സംഭവം അരങ്ങേറിയത്. വാറന്‍റ് ലഭിച്ച ശേഷം എക്സൈസ് സംഘം പ്രതിയെ പിടികൂടാൻ സ്ഥലത്തെത്തിയപ്പോൾ, രക്ഷപ്പെടാൻ ശ്രമിച്ച ബാസിത്ത് സമീപത്തുണ്ടായ ഇരുമ്പ് കമ്പി എടുത്ത് പ്രജിത്തിന്റെ കഴുത്തിനും രാജേഷിന്റെ കൈയ്ക്കുമാണ് കുത്തിയത്.

പരിക്കേറ്റ ഇരുവരും ഉടൻ കാസർകോട് ജനറൽ ആശുപത്രിയിൽ ചികിത്സ തേടി. അതേസമയം, പ്രതിയെ എക്സൈസ് സംഘം പിന്തുടർന്ന് അറസ്റ്റ് ചെയ്തു. തുടര്‍ന്ന് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.സംഭവത്തെ കുറിച്ച് കൂടുതൽ അന്വേഷണം തുടരുകയാണെന്ന് എക്സൈസ് ഉദ്യോഗസ്ഥർ അറിയിച്ചു.

In Kasaragod, an accused in a 108 kg ganja case attacked excise officials with a metal wire while resisting arrest. The officers, Prajith and Rajesh from the Excise Narcotic Squad, sustained injuries to the neck and hand. The accused, Abdul Basith from Bambraana, was overpowered, arrested, and remanded by the court.