ഭോപ്പാൽ: ഉത്തർപ്രദേശിലെ മീററ്റിൽ റിപ്പോർട്ട് ചെയ്ത ‘ബ്ലൂ ഡ്രം’ കൊലപാതകവുമായി താരതമ്യം ചെയ്ത്, ഭാര്യയും കാമുകന്മാരും ചേർന്ന് തന്നെയും കൊല്ലുമെന്ന് ആരോപിച്ച് ഗ്വാളിയാറിൽ 38കാരൻ സമരവുമായി രംഗത്ത്.

അമിത് കുമാർ സെൻ എന്നയാളാണ് “എന്റെ ഭാര്യയെ ശിക്ഷിക്കണം” എന്ന പ്ലക്കാർഡ് കൈയിൽ പിടിച്ച് പൊതുസ്ഥലത്ത് പ്രതിഷേധിച്ചത്. “അവൾ എന്നെ ചതിച്ചു, എന്റെ മകനെ കൊന്നു. എന്നെയും കൊല്ലും. എന്റെ ഭാര്യയ്ക്ക് മൂന്നു നാലു കാമുകന്മാരുണ്ട്. ഭാര്യയും കാമുകനും ചേർന്ന് നിരവധി ഭർത്താക്കന്മാരെ കൊലപ്പെടുത്തിയ സംഭവങ്ങൾ രാജ്യത്ത് റിപ്പോർട്ട് ചെയ്തിട്ടുണ്ട്” – എന്നാണ് അമിത് ആരോപിച്ചത്.

അമിതിന്റെ ഭാര്യയും കാമുകനും ചേർന്ന് മകൻ ഹർഷിനെ കൊലപ്പെടുത്തിയെന്നാണ് ഇയാളുടെ ആരോപണം. ഇപ്പോൾ മറ്റൊരാളോടൊപ്പം താമസിക്കുന്ന ഭാര്യ ഇളയ മകനെ കൂടി കൂട്ടിക്കൊണ്ടുപോയെന്നും അവനും അപകടത്തിലാകാമെന്നും അമിത് ആരോപിച്ചു. 

ഇതുവരെ ഇയാൾ ഔദ്യോഗികമായി പരാതി നൽകാത്തതിനാൽ, അന്വേഷണം തുടങ്ങിയിട്ടില്ലെന്ന് പൊലീസ് അറിയിച്ചു. പരാതി ലഭിച്ചാൽ വിശദമായ അന്വേഷണം നടത്തുമെന്നും നിയമാനുസൃതമായ നടപടി സ്വീകരിക്കുമെന്നും പൊലീസ് വ്യക്തമാക്കി. ഫൂൽബാഗ് കവലയിലായിരുന്നു അമിതിന്റെ പ്രതിഷേധം.

A 38-year-old man from Gwalior, Amit Kumar Sen, staged a protest claiming that his wife and her lovers are plotting to kill him, similar to the recent 'Blue Drum' murder case in Meerut. Holding a placard that read, "My wife should be punished," Amit alleged that his wife and her lover had already killed his son and that his life was in danger. He accused the police of inaction despite multiple complaints. However, the police stated that they had not yet received any official complaint from him.