ട്രെയിന്‍ എവിടെയെത്തിയെന്ന് നോക്കി വീട്ടില്‍ നിന്നിറങ്ങുന്ന ശീലമാണ് ഒട്ടുമിക്കവര്‍ക്കും. അതുപോലെ ഇനി കെഎസ്ആര്‍ടിസി ബസ്സും എവിടെയെത്തിയെന്ന് നോക്കാം. 

കെഎസ്ആര്‍ടിസി ബസിന്റെ സഞ്ചാരപാത അറിയാനും യാത്ര ബുക്കുചെയ്യാനുമുള്ള ചലോ ആപ്പ് ഉടന്‍ പുറത്തിറങ്ങുമെന്ന് മന്ത്രി കെ ബി ഗണേഷ് കുമാര്‍. കെഎസ്ആര്‍ടിസി മൂന്നുമാസത്തിനുള്ളില്‍ പൂര്‍ണമായും ഡിജിറ്റല്‍വല്‍ക്കരിക്കും. ആന്‍ഡ്രോയ്ഡ് ടിക്കറ്റ് മെഷീന്‍ രണ്ടുമാസത്തിനുള്ളില്‍ നടപ്പാക്കും. ഭാവിയില്‍ ബസിനുള്ളില്‍ ലഘുഭക്ഷണം ഓര്‍ഡര്‍ ചെയ്ത് എത്തിക്കാനുള്ള സൗകര്യവുമൊരുക്കുമെന്നും ഗണേഷ് കുമാര്‍ പറഞ്ഞു. കേരള ലിറ്ററേച്ചര്‍ ഫെസ്റ്റിവലില്‍ 'പൊതുഗതാഗതം: നാം മുന്നേറേണ്ടത് എങ്ങനെ' എന്ന സെഷനില്‍ സംസാരിക്കുകയായിരുന്നു മന്ത്രി.

ഒന്നാംതീയതി തന്നെ ജീവനക്കാര്‍ക്ക് ശമ്പളം വിതരണംചെയ്യുന്ന പദ്ധതി തയ്യാറാക്കി. ഒരു ഫയലും അഞ്ചുദിവസത്തില്‍ കൂടുതല്‍ പിടിച്ചുവയ്ക്കരുതെന്ന് കെഎസ്ആര്‍ടിസി, മോട്ടാര്‍വാഹന വകുപ്പുകളോട് നിര്‍ദേശിച്ചിട്ടുണ്ട്. മോട്ടോര്‍വാഹന ഉദ്യോഗസ്ഥര്‍ക്ക് ടാബ് വിതരണംചെയ്യും. ലൈസന്‍സ് ഉടന്‍ ഫോണില്‍ ലഭ്യമാക്കുന്നതിനാണിത്. ഡ്രൈവിങ് ടെസ്റ്റ് കാമറയില്‍ ചിത്രീകരിക്കുന്നതും ആലോചനയിലുണ്ടെന്നും മന്ത്രി പറഞ്ഞു.

. 

.