ബീജിങ്: ലോകാരോഗ്യ സംഘടനയ്ക്കുള്ള പിന്തുണ അമേരിക്ക പിന്‍വലിക്കുന്നതായുള്ള യു.എസ് പ്രസിഡന്റ് ഡൊണാള്‍ഡ് ട്രംപിന്റെ ഉത്തരവിന് പിന്നാലെ ഡബ്ല്യു.എച്ച്.ഒയ്ക്ക് പിന്തുണ പ്രഖ്യാപിച്ച് ചൈന. പൊതുജനാരോഗ്യ പരിപാലനത്തില്‍ നിര്‍ണായക പങ്കുള്ള പ്രസ്ഥാനത്തെ ശക്തിപ്പെടുത്തുകയാണ് വേണ്ടതെന്ന് പറഞ്ഞാണ് ചൈനീസ് വിദേശകാര്യ മന്ത്രാലയം ഡബ്ല്യു.എച്ച്.ഒക്ക് സാമ്പത്തിക സഹായം വാഗ്ദാനം ചെയ്തത്.

സംഘടനയെ ദുര്‍ബലപ്പെടുത്തുകയല്ല ചെയ്യേണ്ടതെന്നും ട്രംപിന്റെ ഉത്തരവിനെ ചൂണ്ടിക്കാട്ടി ചൈനീസ് മന്ത്രാലയ വക്താവ് ഗുവോ ജിയാകുന്‍ പറഞ്ഞു. യു.എസ് പ്രസിഡന്റായി അധികാരമേറ്റ് തൊട്ടു പിന്നാലെയാണ് ഡബ്ല്യു.എച്ച്.ഒയില്‍നിന്ന് യു.എസ് പിന്‍മാറ്റം പ്രഖ്യാപിച്ചത്.

പാരിസ് ഉടമ്പടിയില്‍ നിന്ന് പിന്മാറിയ ട്രംപിന്റെ നയത്തെയും ചൈന വിമര്‍ശിച്ചു. കാലാവസ്ഥാ വ്യതിയാനം മനുഷ്യരാശി നേരിടുന്ന പ്രധാന വെല്ലുവിളിയാണെന്നും ഒരു രാജ്യത്തിനും ഇതില്‍ നിന്ന് ഒഴിഞ്ഞുമാറാനോ സ്വന്തമായി പ്രശ്‌നം പരിഹരിക്കാനോ കഴിയില്ലെന്നും ചൈന ചൂണ്ടിക്കാട്ടി.

ആദ്യതവണ പ്രസിഡന്റായിരുന്ന സമയത്ത് 2020ലും ഡബ്ല്യു.എച്ച്.ഒക്ക് നല്‍കുന്ന സഹായം നിര്‍ത്തലാക്കാന്‍ ട്രംപ് ശ്രമിച്ചിരുന്നു. എന്നാല്‍ അന്നും ചൈന സാമ്പത്തികസഹായം പ്രഖ്യാപിക്കുകയായിരുന്നു. മൂന്ന് കോടി ഡോളര്‍ അധിക സഹായമാണ് അന്ന് ചൈന നല്‍കിയത്. ഡബ്ല്യു.എച്ച്.ഒയുടെ 2023ലെ ബജറ്റിന്റെ അഞ്ചിലൊന്ന് അമേരിക്കയില്‍ നിന്നാണ്. സംഭാവനയുടെ കാര്യത്തില്‍ ചൈന എട്ടാംസ്ഥാനത്താണ്.

In response to President Donald Trump's order to withdraw US support from the World Health Organization (WHO), China has announced its support for the organization. The Chinese Foreign Ministry emphasized the importance of strengthening global public health efforts and pledged financial assistance to WHO in its mission.