കൊല്‍ക്കത്ത: നിലമ്പൂര്‍ എംഎല്‍എ പിവി അന്‍വര്‍ തൃണമൂല്‍ കോണ്‍ഗ്രസില്‍ ചേര്‍ന്നു. ലോക്‌സഭാ എംപിയും മമതാ ബാനര്‍ജിയുടെ അനന്തരവനായ അഭിഷേക് ബാനര്‍ജിയാണ് പിവി അന്‍വറിന് അംഗത്വം നല്‍കിയത്. ഫോറസ്റ്റ് ഓഫീസ് അടിച്ചു തകര്‍ക്കാന്‍ പ്രേരിപ്പിച്ചു എന്ന കുറ്റത്തിന് പൊലിസ് അറസ്റ്റ് ചെയ്ത കേസില്‍ ജാമ്യം ലഭിച്ച് നാലു ദിവസം തികയും മുന്‍പാണ് അന്‍വറിന്റെ തൃണമൂല്‍ രാഷ്ട്രീയ പ്രവേശനം.

തൃണമൂല്‍ കോണ്‍ഗ്രസ് പാര്‍ട്ടിയുടെ ഔദ്യോഗിക എക്‌സ് അക്കൗണ്ടില്‍ പങ്കുവെച്ച പോസ്റ്റില്‍ അന്‍വറിനെ പാര്‍ട്ടിയിലേക്ക് സ്വാഗതം ചെയ്തു. രാജ്യത്തെ ജനങ്ങളുടെ ക്ഷേമത്തിനായി ഒരുമിച്ചു പ്രവര്‍ത്തിക്കാമെന്നും തൃണമൂല്‍ കോണ്‍ഗ്രസ് വ്യക്തമാക്കി.

Extending a very warm welcome to Shri P V Anvar, MLA Nilambur, who joined the @AITCofficial family today in the presence of our Hon'ble Nat'l GS Shri @abhishekaitc.

Together, we shall work towards the welfare of the people of our nation. pic.twitter.com/6qqI9yndWl

— All India Trinamool Congress (@AITCofficial) January 10, 2025