തിരുവനന്തപുരം: സംസ്ഥാന സ്‌കൂള്‍ കായിക മേളയില്‍ സുപ്രഭാതത്തിന് ഇരട്ടപ്പുരസ്‌കാരം. മികച്ച ചിത്രത്തിന് കൊച്ചി യൂണിറ്റ് ഫോട്ടോഗ്രാഫര്‍ കെ.എം ശ്രീകാന്തിന് ഒന്നാം സ്ഥാനവും പത്രരൂപകല്പനയ്ക്ക് കെ.എം സഹദുള്ളയ്ക്ക് രണ്ടാം സ്ഥാനവും ലഭിച്ചു. 

ഫോട്ടോഗ്രാഫി മത്സരത്തില്‍ രണ്ടാം സ്ഥാനം ജിബിന്‍ ചെമ്പോല (മലയാള മനോരമ), മൂന്നാം സ്ഥാനം അരുണ്‍ ശ്രീധര്‍ (മലയാള മനോരമ) എന്നിവരും നേടി. പേജ് ലേഔട്ട് മത്സരത്തില്‍ ഒന്നാം സ്ഥാനം മലയാള മനോരമയും മൂന്നാം സ്ഥാനം ദേശാഭിമാനിയും കരസ്ഥമാക്കി.