തൃശ്ശൂർ: തൃശ്ശൂർ തിരുമുക്കുളത് വ്യാപാരിയെയും കുടുംബത്തെയും ആക്രമിക്കുകയും കട തല്ലിപ്പൊളിക്കുകയും ചെയ്ത സംഭവത്തിൽ 4 പേർക്കെതിരേ കേസെടുത്ത് മാള പൊലീസ്. ഈ മാസം നാലിനാണ് കേസിനാസ്പദമായ സംഭവം നടക്കുന്നത്.  വ്യാപാരിയായ പാറേക്കാട്ടിൽ ആന്‍റണി (60), ഭാര്യ കുസുമം, മക്കളായ അമർജിത്, അഭിജിത് എന്നിവരാണ് ആക്രമിക്കപ്പെട്ടത്. തിരുമുക്കുളം പള്ളി വികാരി ആന്‍റണി പോൾ പറമ്പത്തുമായി പ്രതികൾ തർക്കിക്കുന്നതിനിടെ ഇടപെട്ടതിലുള്ള വിരോധമാണ് ആക്രമണത്തിന് കാരണമെന്ന് പൊലീസ് പറഞ്ഞു. സംഭവത്തിൽ പ്രദേശവാസികളായ ഡേവിസ് , ലിനു, ഷൈജു, ലിൻസൺ എന്നിവർക്കെതിരേയാണ് പൊലീസ് കേസെടുത്തിരിക്കുന്നത്. സംഭവത്തിൽ പ്രതിഷേധിച്ച് കുഴൂർ പഞ്ചായത്ത് പരിധിയിൽ  വ്യാപാരികൾ കടയടച്ചിട്ട് പ്രതിഷേധം നടത്തി.