ന്യൂ ഡൽഹി: കോൺഗ്രസിന്റെ പുതിയ ആസ്ഥാനമന്ദിരം ജനുവരി 15ന് ഉദ്ഘാടനം ചെയ്യും. കോട്ല മാർ​ഗ് റോഡിലെ 9Aയിൽ 'ഇന്ദിരാ ഭവൻ' എന്നാണ് പുതിയ ആസ്ഥാനമന്ദിരത്തിന് പേര് നൽകിയിരിക്കുന്നത്.

ആറ് നിലകളിലായാണ് പുതിയ ആസ്ഥാനമന്ദിരം ഒരുങ്ങുന്നത്. എഐസിസി ഭാരവാഹികൾക്കുള്ള ഓഫീസുകൾ കൂടാതെ, ലൈബ്രറി, ഗവേഷണ കേന്ദ്രം, കോൺഫറൻസ് ഹോളുകൾ, മറ്റ് സംഘടനകൾക്കുള്ള ഓഫിസുകൾ എന്നിവയും ഉണ്ടാകും. പുതിയ ആസ്ഥാനമന്ദിരത്തിന്റെ വിലാസം കോട്ല മാർഗ് റോഡ് 9A, ഇന്ദിരാ ഭവൻ എന്നായിരിക്കും.

2016ലായിരുന്നു പുതിയ ആസ്ഥാനമന്ദിരത്തിൻ്റെ നിർമാണം ആരംഭിച്ചത്. എന്നാൽ ഫണ്ട് ലഭ്യതക്കുറവിനാൽ പലപ്പോഴായി പണികൾ മുടങ്ങി. പിന്നീട് കെ സി വേണുഗോപാൽ ജനറൽ സെക്രട്ടറിയായതോടെ നിർമാണം ഊർജിതമായി മുന്നോട്ടു പോകുകയായിരുന്നു.

The Congress party's new headquarters is located at Kotla Marg Road 9A, Indira Bhavan, with its inauguration scheduled for January 15.