ഗ്ലോബൽ പവർ സിറ്റി ഇൻഡക്സ് 2024-ൽ (GPCI) തുടർച്ചയായി രണ്ടാം വർഷവും ഇടം നേടി ദുബൈ. ഈ പട്ടികയിൽ ആഗോളതലത്തിൽ എട്ടാമതും മിഡിൽ ഈസ്റ്റിൽ ഒന്നാമതുമാണ് ദുബൈയുടെ സ്ഥാനം.

എമിറേറ്റ്സ് ന്യൂസ് ഏജൻസിയാണ് ഇക്കാര്യം റിപ്പോർട്ട് ചെയ്തത്. ജപ്പാനിലെ മോറി മെമ്മോറിയൽ ഫൗണ്ടേഷൻ പ്രസിദ്ധീകരിച്ച ഈ വാർഷിക പഠനം, നവീകരണം, സാമ്പത്തിക ചലനാത്മകത, ആഗോള കണക്റ്റിവിറ്റി തുടങ്ങിയവയിൽ ദുബൈ വഹിക്കുന്ന പങ്ക് എടുത്തുകാണിക്കുന്നതാണ്.

പശ്ചിമേഷ്യൻ പ്രദേശങ്ങളിൽ നിന്ന് ആഗോളതലത്തിലുള്ള പട്ടികയിൽ ആദ്യ 10 സ്ഥാനങ്ങളിൽ ഇടം നേടിയ ഏക നഗരമാണ് ദുബൈ. പ്രാഗൽഭ്യം, വാണിജ്യം, നിക്ഷേപം എന്നി മേഖലകളിൽ ഒരു പ്രധാന ആഗോള കേന്ദ്രമെന്ന നിലയിൽ ദുബൈ വഹിക്കുന്ന പങ്ക് ഇത് അടിവരയിടുന്നു.

സാമ്പത്തികം, ഗവേഷണം, സാംസ്കാരികം, ജീവിത നിലവാരം, പരിസ്ഥിതി, പ്രവേശനക്ഷമത പ്രവർത്തനങ്ങൾ തുടങ്ങിയ ഘടകങ്ങൾ വിലയിരുത്തിയാണ് ഗ്ലോബൽ പവർ സിറ്റി ഇൻഡക്സ് (GPCI) ആഗോള നഗരങ്ങളെ റാങ്ക് ചെയ്യുന്നത്.

Dubai has secured a spot in the top 10 of the Global Power City Index, a ranking that assesses the attractiveness of cities worldwide.