ഓട്ടിസവും സെൻസറി അവസ്ഥകളും ഉള്ള യാത്രക്കാർക്ക് കൂടുതൽ ആക്സസ് ചെയ്യാവുന്ന യാത്ര ഉറപ്പാക്കുന്നതിന് പുതിയ മാനദണ്ഡങ്ങളും സേവനങ്ങളും അവതരിപ്പിക്കുമെന്ന് എമിറേറ്റ്സ് എയർലൈൻസ് പ്രഖ്യാപിച്ചു.

ഓട്ടിസവും സെൻസറി അവസ്ഥകളും ഉള്ള യാത്രക്കാർ അഭിമുഖീകരിക്കുന്ന ചുറ്റുപാടുകളെക്കുറിച്ച് തീരുമാനങ്ങൾ എടുക്കാനും അവരുടെ ആവശ്യങ്ങൾക്കും മുൻഗണനകൾക്കും അനുയോജ്യമായ കാര്യങ്ങൾ ആസൂത്രണം ചെയ്യാനും ഗൈഡുകളെ ലഭ്യമാക്കുന്ന സംവിധാനമാണിത്. ഇതിനായി 30,000-ലധികം എമിറേറ്റ്സ് ക്യാബിൻ ക്രൂവും ഗ്രൗണ്ട് സ്റ്റാഫും ഓട്ടിസവും സെൻസറി സെൻസിറ്റിവിറ്റിയും ഉള്ള യാത്രക്കാർക്ക് ആവശ്യമായ പരിശീലനം പൂർത്തിയാക്കിയാൽ ഇന്റർനാഷണൽ ബോർഡ് ഓഫ് ക്രൈഡൻഷ്യലിംഗ് ആൻ്റ് കണ്ടിന്യൂയിംഗ് എജ്യുക്കേഷൻ സ്റ്റാൻഡേർഡ് (IBCCES) എമിറേറ്റ്സ് എയർലൈനിന് സർട്ടിഫിക്കേഷൻ നൽകും.

ദുബൈയിലെ ലൊക്കേഷനുകളിലുടനീളം സൗകര്യ ഓഡിറ്റുകളും വിമാനത്തിന്റെ യാത്രാനുഭവവും, ശബ്ദ നിലകൾ, ലൈറ്റിംഗ്, സാധ്യതയുള്ള കാഴ്ചകൾ, മണം തുടങ്ങിയവ പോലുള്ള പൊതു ഇടങ്ങളിലെ സെൻസറി ഇൻപുട്ടുകൾ അളന്നുകൊണ്ടാണ് ഈ സംവിധാനം ഒരുക്കുന്നതെന്ന് എമിറേറ്റ്സ് അറിയിച്ചു. ലോകത്തിലെ ആദ്യത്തെ ഓട്ടിസം സർട്ടിഫൈഡ് എയർലൈനായി എമിറേറ്റ്സ് എയർലൈൻ ഔദ്യോഗികമായി  മാറുന്ന സാഹചര്യത്തിലാണ് പുതിയ മാനദണ്ഡങ്ങളും സേവനങ്ങളും അവതരിപ്പിക്കുന്നത്.

Emirates Airlines has launched specialized guides to support passengers with autism and sensory disorders, enhancing their travel experience.