ബംഗളൂരു: കലൂര്‍ സ്റ്റേഡിയത്തില്‍ നിന്ന് വീണ് പരുക്കേറ്റ ഉമ തോമസ് എം.എല്‍.എയുടെ ആരോഗ്യനിലയില്‍ പുരോഗതി. ഉമ തോമസിന്റെ ആരോഗ്യനില ഇന്നലത്തെതിനേക്കാള്‍ മെച്ചപ്പെട്ടു. ഇന്നലെ കൈകാലുകള്‍ മാത്രം ചലിപ്പിച്ച ഉമ തോമസ് ഇന്ന് ശരീരമാകെ ചലിപ്പിച്ചു. ചുണ്ടനക്കിക്കൊണ്ട് ഉമ തോമസ് പുതുവത്സരം നേര്‍ന്നുവെന്ന് ഡോക്ടര്‍മാര്‍ പറഞ്ഞതായി ഉമ തോമസിന്റെ ഫേസ്ബുക്ക് പേജില്‍ കുറിച്ചു. 

മെഡിക്കല്‍ ബുള്ളറ്റിന്‍ ഉടനുണ്ടാകും. സെഡേഷനും വെന്റിലേഷന്‍ സപ്പോര്‍ട്ടും കുറച്ചുവരികയാണെന്നും പോസ്റ്റില്‍ പറയുന്നു. 

തലയ്ക്ക് ഉണ്ടായ മുറിവ് ഭേദപ്പെട്ടു വരുകയാണ്. ഇപ്പോള്‍ ആളുകളെ തിരിച്ചറിയുന്നുണ്ട്. എന്നാല്‍ വെന്റിലേഷന്‍ എത്ര ദിവസം തുടരണെ എന്നതില്‍ തീരുമാനമായിട്ടില്ലെന്നും ഡോക്ടര്‍മാര്‍ അറിയിച്ചു.  വെന്റിലേറ്റില്‍ നിന്ന് മാറ്റി 24 മണിക്കൂര്‍ കഴിഞ്ഞാലേ അപകടാവസ്ഥ തരണം ചെയ്തതായി പറയാന്‍ സാധിക്കൂ എന്നും ഡോക്ടര്‍ വ്യക്തമാക്കി.