ദോഹ: ഖത്തറിന്റെ മുന്നേറ്റതാരം അക്രം അഫീഫിന് ഏഷ്യന്‍ ഫുട്ബാളിലെ മികച്ച താരത്തിനുള്ള പുരസ്‌കാരം. ദക്ഷിണ കൊറിയയിലെ സോളില്‍ വച്ച് നടന്ന എ.എഫ്.സി വാര്‍ഷിക പുരസ്‌കാര ചടങ്ങിലാണ് അക്രം അഫീഫ് രണ്ടാം തവണയും വന്‍കരയുടെ മികച്ച താരമായി തെരഞ്ഞെടുക്കപ്പെട്ടത്. 

ഈ വര്‍ഷം ആദ്യം ഖത്തറില്‍ നടന്ന ഏഷ്യന്‍ കപ്പ് ഫുട്ബാളില്‍ ആതിഥേയരെ രണ്ടാം തവണ കിരീടത്തിലേക്ക് നയിച്ച പ്രകടന മികവാണ് അക്രം അഫീഫിനെ പുരസ്‌കാരത്തിനര്‍ഹനാക്കിയത്. അവസാന മൂന്നില്‍ ഇടം പിടിച്ച ദക്ഷിണ കൊറിയയുടെ സോള്‍ യുങ് വൂ, ജോര്‍ഡന്റെ യസാന്‍ അല്‍ നഇമത് എന്നിവരെ പിന്തള്ളിയാണ് അഫീഫിന്റെ നേട്ടം.

2019ലും മികച്ച ഏഷ്യന്‍ താരമായി തെരഞ്ഞെടുക്കപ്പെട്ട അക്രം, ഖത്തര്‍ സ്റ്റാര്‍സ് ലീഗ് ക്ലബായ അല്‍ സദ്ദിന്റെ താരമാണ്.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Akrum Afif, Qatar's talented footballer, shines as Asia's best, showcasing exceptional skills and leading his team to victory in the AFC Asian Cup. His impressive performance earns him top honors.