പത്തനംതിട്ട : എം.സി. റോഡില്‍ അടൂര്‍ വടക്കടത്തുകാവില്‍ കെ.എസ്.ആര്‍.ടി.സി ബസും പിക്ക് അപ്പും കൂട്ടിയിടിച്ചുണ്ടായ അപകടത്തില്‍ 8 പേര്‍ക്ക് പരുക്കേറ്റു. ഇന്ന് ഉച്ചയോടെയാണ് അപകടമുണ്ടായത്. ഇവരില്‍ രണ്ടു പേരുടെ നില ഗുരുതരമാണ്. പിക്കപ്പ് വാനിലുണ്ടായിരുന്ന ഡ്രൈവര്‍ കൊല്ലം അഞ്ചല്‍ സ്വദേശി വിജയന്‍, സഹായി അഞ്ചല്‍ സ്വദേശി അജയന്‍ എന്നിവര്‍ക്കാണ് ഗുരുതര പരുക്കേറ്റത്. ഇവരെ തിരുവനന്തപുരം മെഡിക്കല്‍ കോളജ് ആശുപത്രിയിലേക്ക് മാറ്റി.  

വ്യാഴാഴ്ച്ച ഉച്ചയോടെയാണ് സംഭവം. ഫര്‍ണീച്ചറുമായി പോയ പിക്ക് അപ്പ് വാഹനം കെ.എസ് .ആര്‍.ടി.സിയിലേക്ക് ഇടിച്ചുകയറുകയായിരുന്നു. പരുക്കേറ്റവരെ താലൂക്ക് ആശുപത്രിയില്‍ പ്രവേശിപ്പിച്ചു.