ലോറി കരയില് നിന്ന് 132 മീറ്റര് അകലെ; മനുഷ്യസാന്നിധ്യം ഉറപ്പിക്കാനായില്ല
ഷിരൂര്: കര്ണാടകയിലെ അങ്കോലയില് മലയിടിഞ്ഞ് കാണാതായ മലയാളി ലോറി ഡ്രൈവര് അര്ജുന്റെ ലോറി കരയില് നിന്ന് 132 മീറ്റര് അകലെയെന്ന് കണ്ടെത്തല്. ഐ ബോര്ഡ് ഡ്രോണിന്റെ സഹായത്തോടെ നടത്തിയ പരിശോധനയിലാണ് കണ്ടെത്തല്.
പുഴയിലെ മണ്കൂനയോട് ചേര്ന്നുള്ള നാലാമത്തെ സ്പോട്ടില് ലോറിയുണ്ടെന്നാണ് സൂചന. നാലിടങ്ങളില് നിന്നാണ് ട്രക്കിന്റേതിന് സമാനമായ സിഗ്നലുകള് പരിശോധനയില് ലഭിച്ചത്. കരയില്നിന്ന് 165, 65, 132, 110 മീറ്റര് മാറി നാല് കോണ്ടാക്റ്റ് പോയിന്റുകളാണ് പരിശോധനയില് കണ്ടെത്തിയത്. ഐ ബോര്ഡ് പരിശോധനയുടെ റിപ്പോര്ട്ട് ജില്ലാ കലക്ടര്ക്ക് കൈമാറി.
കാബിന് തലകീഴാഴിട്ടായിരിക്കാം നില്ക്കുന്നത്. തകര്ന്നിരിക്കാനാണ് സാധ്യത, എന്നാല് മനുഷ്യ സാന്നിധ്യം കണ്ടെത്താന് കഴിഞ്ഞിട്ടില്ല. സി.പി. നാല് ലോറി കണ്ടെത്താന് ഏറ്റവും കൂടുതല് സാധ്യതയുള്ള സ്ഥലമാണെങ്കിലും മറ്റ് മൂന്നിടത്തേയും സാധ്യത തള്ളിക്കളയാനാവില്ലെന്നാണ് റിപ്പോര്ട്ടില് പറയുന്നത്.
ഇതില് ഏറ്റവും ഒടുവില് ലഭിച്ച സിഗ്നലാണ് ട്രക്കാവാനുള്ള സാധ്യത കൂടുതലുള്ളത്. ഈ സിഗ്നല് കേന്ദ്രീകരിച്ചുകൊണ്ടുള്ള പരിശോധനയായിരിക്കും ഇനി നടക്കുക. ഇന്നലെ ഒരു ദൃക്സാക്ഷി ലോറി ഒഴുകി പോകുന്നത് കണ്ടതായി പൊലിസിനെ അറിയിച്ചു. തുടര്ന്ന് നടത്തിയ പരിശോധനയിലാണ് നാലാമത്തെ സിഗ്നല് ലഭിച്ചത്.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."