കൊച്ചി: അയര്‍ലന്‍ഡില്‍ ഹെല്‍ത്ത് കെയര്‍ അസിസ്റ്റന്റ് ജോലി വാഗ്ദാനം ചെയ്ത് ആളുകളില്‍നിന്ന് 3 കോടിയോളം രൂപ തട്ടിയെടുത്ത കേസില്‍ യുവതി അറസ്റ്റില്‍. പള്ളുരുത്തി കുട്ടന്‍ ചാലില്‍ ഹൗസില്‍ അനു (34) ആണ് അറസ്റ്റിലായത്.

അമ്പതോളം പേരാണ് വിവിധ ജില്ലകളിലായി തട്ടിപ്പിന് ഇരയായത്. ആളുകളില്‍ നിന്നും പണം വാങ്ങിയശേഷം ഒളിവില്‍ പോയ പ്രതിയെ മംഗലാപുരത്ത് നിന്നുമാണ് പള്ളുരുത്തി പൊലീസ് അറസ്റ്റ് ചെയ്തത്. നിലവില്‍ രണ്ട് കേസുകളാണ് അനുവിനെതിരെ പള്ളുരുത്തി സ്റ്റേഷനില്‍ റജിസ്റ്റര്‍ ചെയ്തിട്ടുള്ളത്. 

കൂടാതെ ഉപ്പുതറ, കുമരകം, വെച്ചൂച്ചിറ, കട്ടപ്പന തുടങ്ങിയ സ്റ്റേഷനുകളിലും അനുവിനെതിരെ കേസുകള്‍ നിലവിലുണ്ട്.  പണം തട്ടിയെടുക്കുന്നതിനായി അനുവിന് മറ്റ് ആരുടെയെങ്കിലും സഹായം ലഭിച്ചിട്ടുണ്ടോ എന്ന് അന്വേഷിക്കുന്നുമെന്ന് പൊലീസ് അറിയിച്ചു.

A woman has been arrested for allegedly duping people of crores by promising them jobs abroad. Learn more about this job scam and how to stay vigilant against such fraudulent activities.