എറണാകുളം: കെഎസ്ആര്‍ടിസിയിലെ മുന്‍ ജീവനക്കാരുടെ പെന്‍ഷന്‍ ഓണത്തിന് മുമ്പ് നല്‍കണമെന്ന് ഹൈക്കോടതി. സെപ്റ്റംബര്‍ മാസത്തെ പെന്‍ഷന്‍ നല്‍കണമെന്നാണ് കോടതി നിര്‍ദേശിച്ചിരിക്കുന്നത്. ഇക്കാര്യം പാലിക്കുമെന്ന് കെഎസ്ആര്‍ടിസി കോടതിയില്‍ ഉറപ്പ് നല്‍കി. 

ഓഗസ്റ്റ് മാസത്തെ പെന്‍ഷന്‍ വിതരണം തുടങ്ങിയെന്ന് കെ.എസ്.ആര്‍.ടി.സി കോടതിയെ അറിയിച്ചു. കെ എസ് ആര്‍ ടിസിയിലെ മുന്‍ ജീവനക്കാരുടെ പെന്‍ഷന്‍ വിതരണത്തില്‍ ആശയക്കുഴപ്പം നിലനിന്നിരുന്നു. ഇതിന് പിന്നാലെയാണ് കോടതി ഇടപെടല്‍ ഉണ്ടായിരിക്കുന്നത്.

High Court Directs KSRTC to Disburse Pension to Former Employees Before Onam