കുന്ദമംഗലത്ത് ഇസ്‌ലാമിക് സെൻ്ററിൽ എസ്.കെ.എസ്.എസ്.എഫ് പ്രവർത്തകനെ മർദിച്ച കേസിൽ ഏഴ് പേർക്കെതിരേ  പൊലിസ് കേസെടുത്ത് അന്വേഷണം ആരംഭിച്ചു. ഐ. മുഹമ്മദ് കോയ, റിഷാദ് കുന്ദമംഗലം എന്നിവർക്കെതിരേയും കണ്ടാലറിയുന്ന അഞ്ച് പേർക്കുമെതിരേയാണ് കുന്ദമംഗലം പൊലിസ് കേസെടുത്തത്.  ചൊവ്വാഴ്ച വൈകുന്നേരമാണ് കേസിനാസ്പദമായ സംഭവം.  യാത്രക്കാർക്ക് വേണ്ടി തയാറാക്കുന്ന ഇഫ്താർ വിഭവങ്ങൾ ഒരുക്കുന്നതിനായി ഇസ് ലാമിക് സെൻ്ററിലെത്തിയ എസ്.കെ.എസ്എസ് .എഫ് മേഖല വൈസ് പ്രസിഡൻ്റ് കാരന്തൂർ ചക്കേരി സുഹൈലിനെ സംഘം ചേർന്ന് മർദിക്കുകയായിരുന്നു.  നേരത്തെ എസ്.കെ.എസ്.എസ്.എഫ് സംഘടിപ്പിച്ച ആദർശ സമ്മേളനം മുടക്കാൻ ചിലർ ശ്രമിച്ചിരുന്നു.  ഇതിനെതിരേ സുഹൈൽ ശക്തമായി പ്രതികരിച്ചിരുന്നു. ഇതിലുള്ള പകയാണ് ആക്രമണത്തിന് കാരണമെന്നാണ് സൂചന.