ന്യൂഡൽഹി: കഴിഞ്ഞ നാല് വർഷത്തിനിടെ കേരളത്തിൽ 1081 ചെറുകിട വ്യവസായ സംരംഭങ്ങൾ പൂട്ടിയതായി കേന്ദ്ര സർക്കാർ വ്യക്തമാക്കി. ഉദയം രജിസ്ട്രേഷൻ പോർട്ടലിലെ കണക്കുകൾ അടിസ്ഥാനമാക്കിയുള്ള മറുപടിയാണ് രാജ്യസഭയിൽ കേന്ദ്രം നൽകിയത്. എം. പി.ഹാരീസ് ബീരാൻ നൽകിയ ചോദ്യത്തിന് മറുപടിയായി കേന്ദ്രം ഈ കണക്ക് പുറത്തുവിട്ടത്.

ഏറ്റവും കൂടുതൽ സംരംഭങ്ങൾ പൂട്ടിയത് മഹാരാഷ്ട്രയിൽ 

മഹാരാഷ്ട്രയിൽ 8472 ചെറുകിട വ്യവസായ സംരംഭങ്ങളാണ് അടച്ചുപൂട്ടിയത്. മറ്റ് സംസ്ഥാനങ്ങളിലെ കണക്കുകൾ:

-ഗുജറാത്ത്: 3148

-കർണാടക: 2010

-ഉത്തർ പ്രദേശ്: 1318

എന്നാൽ, മഹാരാഷ്ട്ര, ഗുജറാത്ത്, കര്‍ണാടക, ഉത്തര്‍പ്രദേശ് എന്നിവിടങ്ങളുമായി താരതമ്യം ചെയ്യുമ്പോൾ, കേരളത്തിൽ പൂട്ടിയ സംരംഭങ്ങളുടെ എണ്ണം കുറവാണെന്ന് കേന്ദ്ര സർക്കാർ വ്യക്തമാക്കി.

ചെറുകിട വ്യവസായങ്ങൾക്ക് കേന്ദ്ര സഹായം

ചെറുകിട വ്യവസായങ്ങൾക്ക് കേന്ദ്ര ബജറ്റിൽ കൂടുതൽ പദ്ധതികൾ പ്രഖ്യാപിച്ചിട്ടുണ്ടെന്നും, വായ്പാ സൗകര്യങ്ങൾ ഉൾപ്പെടെ സർക്കാർ പിന്തുണ നൽകുന്നുവെന്നും മറുപടിയിൽ പറയുന്നു.

കേരളത്തിലെ വ്യവസായ രംഗത്തെ പ്രശംസിച്ച കോൺഗ്രസ് നേതാവ് ശശി തരൂരിന്റെ പ്രസ്താവന വലിയ രാഷ്ട്രീയ ചർച്ചകൾക്ക് വഴി തുറന്നിരുന്നു. ഇതിന് പിന്നാലെയാണ് കേന്ദ്ര കണക്കുകൾ പുറത്തുവന്നത്.

Over the past four years, 1,081 small-scale industries have closed down in Kerala, according to data from the Udyam Registration Portal.