കൊല്ലം:  കൊല്ലത്ത് പള്ളിവളപ്പില്‍ സ്യൂട്ട്‌കേസില്‍ അസ്ഥികൂടം. ശാരദമഠം സി.എസ്.ഐ പള്ളിയിലെ സെമിത്തേരിക്ക് സമീപമുള്ള പറമ്പിലാണ് അസ്ഥികൂടം കണ്ടെത്തിയത്. ദ്രവിച്ച അവസ്ഥയിലുള്ള അസ്ഥികൂടം പ്ലാസ്റ്റിക്കില്‍ പൊതിഞ്ഞ നിലയിലായിരുന്നു. പൊലിസ് സ്ഥലത്തെത്തി പരിശോധന ആരംഭിച്ചു. ഫോറന്‍സിക് സംഘവും സ്ഥലത്തെത്തും.

ഇന്ന് രാവിലെ പള്ളിയിലെ ജീവനക്കാരനാണ് സ്യൂട്ട്‌കേസ് ആദ്യം കണ്ടത്. മുന്‍പ് അതവിടെ കാണാത്തതിനാല്‍ സംശയം തോന്നി തുറന്നു നേക്കി. അപ്പോഴാണ് അസ്ഥിക്കൂടം കണ്ടത്. ഉടന്‍ തന്നെ പള്ളിക്കാരെയും പൊലിസിനെയും അറിയിച്ചു. 

അസ്ഥിക്കൂടം ദ്രവിച്ച നിലയിലാണെന്നും ശരീരത്തിന്റെ എല്ലാ ഭാഗങ്ങളും ഇല്ലെന്നും സിറ്റി പൊലിസ് കമ്മീഷണര്‍ കിരണ്‍ നാരായണ്‍ അറിയിച്ചു. കൊല്ലം ഈസ്റ്റ് പൊലിസ് ആണ് സംഭവം അന്വേഷിക്കുന്നത്. പ്രദേശത്ത് നിന്ന് കാണാതായവരുടെ വിവരങ്ങള്‍ പൊലിസ് അന്വേഷിച്ച് തുടങ്ങി. 

A decomposed human skeleton was discovered in a suitcase near the CSI Church cemetery in  Kollam. Police and forensic teams have begun investigations