മസ്‌കത്ത്: തലസ്ഥാനമായ മസ്‌കത്തില്‍ നിന്നും 400 കിലോമീറ്റര്‍ അകലെ അല്‍ വുസ്ത ഗവര്‍ണറേറ്റിലെ ഹെമയിലുണ്ടായ വാഹനാപകടത്തില്‍ മൂന്ന് ഇന്ത്യക്കാര്‍ മരിച്ചു. അഞ്ച് പേരെ പരുക്കുകളോടെ ആശുപത്രിയില്‍ പ്രവേശിപ്പിച്ചു. ഇതില്‍ മൂന്നു പേരുടെ നില ഗുരുതരമാണ് എന്നാണ് പുറത്തുവരുന്ന റിപ്പോര്‍ട്ടുകള്‍. ഉത്തര്‍ പ്രദേശ്  സ്വദേശികളാണ് അപകടത്തില്‍ പെട്ടത്. കമലേഷ് ബരിയ, ഹേമ റാണി, ഇഷാന്‍ദേശ് ബന്ധു എന്നിവരാണ് മരിച്ചത്. ഇവര്‍ സഞ്ചരിച്ചിരുന്ന വാഹനം മുന്നില്‍ സഞ്ചരിച്ചുകൊണ്ടിരുന്ന ട്രക്കുമായി കൂട്ടിയിടിക്കുകയായിരുന്നു. ഡ്രൈവര്‍ ഉറങ്ങിപ്പോയതാണ് അപകട കാരണമെന്നാണ് പ്രാഥമിക നിഗമനം. മൃതദേഹം നസ് ആശുപത്രിയില്‍ സൂക്ഷിച്ചിരിക്കുകയാണ്. റോയല്‍ ഒമാന്‍ പൊലിസ് സ്ഥലത്തെത്തി നടപടികള്‍ സ്വീകരിച്ചു.

Car accident in Haimah, Oman; Three Indians died