കൊല്ലം: ശാസ്താംകോട്ടയില്‍ പെയിന്റിങ് തൊഴിലാളികള്‍ തമ്മിലുണ്ടായ തര്‍ക്കത്തിനിടെ കമ്പി വടി കൊണ്ടുള്ള അടിയേറ്റ് തൊഴിലാളികളില്‍ ഒരാള്‍ കൊല്ലപ്പെട്ടു. ആലപ്പുഴ പറവൂര്‍ കോട്ടപ്പുറം സ്വദേശി വിനോദ് (55) ആണ് മരിച്ചത്.  

ഇന്ന് പുലര്‍ച്ചെയാണ് സംഭവം നടന്നത്. സംഭവത്തില്‍ കൊല്ലം അയത്തില്‍ സ്വദേശി രാജുവിനെ പൊലീസ് കസ്റ്റഡിയിലെടുത്തു. പെയിന്റിങ് തൊഴിലാളികള്‍ തമ്മിലുള്ള തര്‍ക്കം അടിപിടിയില്‍ കലാശിക്കുകയായിരുന്നു. സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചു.