ക​ണ്ണൂ​ർ: നിരത്തിലെ കുരുതിക്കു തടയിടാൻ നടപടി കടുപ്പിച്ച് ഗതാഗതവകുപ്പ്. മോട്ടോർ വാഹനവകുപ്പ് ഉദ്യോഗസ്ഥരെ പൂർണസമയവും നിരത്തുകളിൽ പരിശോധനയ്ക്ക് നിയോഗിക്കുന്നതിനൊപ്പം അപകട സ്പോട്ടുകളിൽ ജാഗ്രതാമുന്നറിയിപ്പും ഒരുക്കും. സംസ്ഥാനത്തെ റോഡുകളിൽ സുരക്ഷിതയാത്ര ഉറപ്പാക്കാൻ എ​ൻ​ഫോ​ഴ്സ്മെ​ൻ്റ് സ്ക്വാ​ഡി​ലെ ഒ​രു ടീം ​ഒ​രു സ്ഥ​ല​ത്ത് നാ​ലു​മ​ണി​ക്കൂ​ർ പ​രി​ശോ​ധ​ന ന​ട​ത്തും. ഇതുസംബന്ധിച്ച് ട്രാ​ൻ​സ്പോ​ർ​ട്ട് ക​മ്മി​ഷ​ണ​ർ എ​ച്ച്. നാ​ഗ​രാ​ജു ഇന്നലെ ഉ​ത്ത​ര​വിറക്കി.

നാ​ലു​മ​ണി​ക്കൂ​റി​ന് ശേ​ഷമേ മ​റ്റൊ​രു സ്ഥ​ല​ത്ത് പ​രി​ശോ​ധന പാ​ടു​ള്ളൂവെന്ന് ഉത്തരവിൽ പറയുന്നു. അവിടെയും നാലുമണിക്കൂർ പരിശോധന നടത്തണം. സംസ്ഥാനത്തെ പ്ര​ധാ​ന​ റോ​ഡു​ക​ളി​ലെ​ല്ലാം എ​ൻ​ഫോ​ഴ്സ്മെ​ൻ്റ് സ്ക്വാ​ഡി​ൻ്റെ മുഴുവൻസമയ സാ​ന്നി​ധ്യം ഉറപ്പാക്ക​ണ​മെ​ന്നും ഉ​ത്ത​ര​വിലുണ്ട്. പുതുവത്സരത്തലേന്ന് രാ​ത്രി എ​ട്ടു​മു​ത​ൽ പു​ല​ർ​ച്ചെ ഒ​ന്നു​വ​രെ ഒ​രു ജി​ല്ല​യി​ൽ എ​ൻ​ഫോ​ഴ്സ്മെ​ൻ്റിൻ്റെ അ​ഞ്ച് സ്ക്വാ​ഡു​ക​ൾ പ​രി​ശോ​ധ​ന നടത്തണം.

പു​ല​ർ​ച്ചെ ഒ​ന്നു​മു​ത​ൽ ആ​റു​വ​രെ മറ്റൊരു സ്ക്വാ​ഡും നിർബന്ധം. താലൂക്ക്തല പരിശോധനയ്ക്ക് ആ​ർ.​ടി ഓ​ഫി​സ്, സ​ബ് ആ​ർ.​ടി ഓ​ഫി​സ് എ​ന്നി​വ​ട​ങ്ങ​ളി​ലു​ള്ള ഉ​ദ്യോ​ഗ​സ്ഥ​രെ ഉൾപ്പെടുത്താം.   എ​ൻ​ഫോ​ഴ്സ്മെ​ൻ്റ് സ്ക്വാ​ഡി​ൽ വാ​ഹ​ന​ങ്ങ​ളു​ടെയോ ഡ്രൈ​വ​ർ​മാ​രു​ടെയോ പ​രി​ശോ​ധ​നാ ഉ​പ​ക​ര​ണ​ങ്ങ​ളു​ടെയോ കു​റ​വുണ്ടെങ്കിൽ അക്കാര്യം ഉടൻ അറിയിക്കണമെന്നും ഉത്തരവിലുണ്ട്.