കുല്‍ഗാം: ജമ്മുക്ശ്മിരില്‍ ഭീകരരും സുരക്ഷാ സേനയും തമ്മില്‍ ഏറ്റുമുട്ടല്‍. അഞ്ച് ഭീകരരെ സുരക്ഷാ സേന  വധിച്ചു. ജമ്മുകശ്മീരിലെ കുല്‍ഗാം ജില്ലയിലാണ് ഏറ്റുമുട്ടലുണ്ടായത്. സംഭവത്തിനിടെ രണ്ട് ജവാന്മാര്‍ക്ക് പരുക്കേറ്റു. 

ഭീകരര്‍ ഒളിച്ചിരിക്കുന്നുണ്ടെന്ന രഹസ്യവിവരത്തെത്തുടര്‍ന്ന് സുരക്ഷാസേന നടത്തിയ തെരച്ചിലിനൊടുവിലാണ് ഏറ്റുമുട്ടലുണ്ടായത്. ജമ്മു കശ്മിര്‍ പൊലിസും ഓപ്പറേഷനില്‍ പങ്കെടുത്തു. 

കൂടുതല്‍ പേരുണ്ടോയെന്നറിയാന്‍ മേഖലയില്‍ തിരച്ചില്‍ ആരംഭിച്ചിട്ടുണ്ട്. കൊല്ലപ്പെട്ടവരെ തിരിച്ചറിഞ്ഞിട്ടില്ല.