അബൂദബി: ശൈത്യകാല അവധിക്കായി  യുഎഇയിൽ സ്‌കൂളുകൾ അടച്ചു. ഇന്നു മുതൽ 2025 ജനുവരി 5 വരെ 3 ആഴ്ചത്തേക്കാണ് അവധി. ഏപ്രിലിൽ അധ്യയന വർഷം ആരംഭിച്ച ഇന്ത്യൻ സ്‌കൂളുകൾ രണ്ടാം ടേം പരീക്ഷ കഴിഞ്ഞും സെപ്റ്റംബറിൽ അധ്യയനം ആരംഭിച്ച പ്രാദേശിക, വിദേശ സിലബസ് സ്കൂകൂളുകൾ പാദവർഷ പരീക്ഷയ്ക്കു ശേഷവുമാണ് ഹ്രസ്വകാല അവധിയിലേക്കു കടന്നത്. രക്ഷിതാക്കളും അധ്യാപകരും ഓപൺ ഹൗസ് വിളിച്ച് കുട്ടികളുടെ പഠനം വിലയിരുത്തി.

അധ്യാപകർ പഠനം മെച്ചപ്പെടുത്തുന്നതിനും പോരായ്മ‌കൾ പരിഹരിക്കാനുമുള്ള മാർഗനിർദേശങ്ങൾ നിർദേശിച്ചു. 10, 12 ക്ലാസുകളിലെ ബോർഡ് എക്സാമിന് തയാറെടുക്കുന്ന കുട്ടികൾക്ക് ചില സ്‌കൂളുകളിൽ ഏതാനും ദിവസം കൂടി ക്ലാസുകൾ തുടരും.

പാഠഭാഗങ്ങൾ വൈകാതെ തീർക്കാനാണ് അഡിഷനൽ ക്ലാസുകൾ എടുക്കുന്നത്. ക്രിസ്‌മസ്, പുതുവർഷ ആഘോഷങ്ങൾ കഴിഞ്ഞ് ജനുവരി 6ന് സ്കൂകൂളുകൾ വീണ്ടും തുറക്കും. 3 ആഴ്‌ചത്തേക്കു സ്കൂ‌ൾ അടച്ചതോടെ കുടുംബ സമേതം നാട്ടിലേക്കു പോകുന്നവരുടെ എണ്ണവും വർധിച്ചിരിക്കുകയാണ്. കുട്ടികൾക്ക് ഒരാഴ്‌ചത്തെ ലീവ് കൂടി എടുത്ത് ഒരു മാസത്തേക്കാണ് പലരും പോകുന്നത്.

 Schools in the UAE have closed for the winter break, which started on December 16, 2024, and will last until January 5, 2025.