ന്യൂഡല്‍ഹി: ഔട്ടര്‍ ഡല്‍ഹിയിലെ ബവാനയില്‍ തീപിടിത്തം. ചൊവ്വാഴ്ച പുലര്‍ച്ചെയുണ്ടായ തീപിടിത്തത്തില്‍ 150ഓളം കൂരകള്‍ കത്തിനശിച്ചതായി ഡല്‍ഹി ഫയര്‍ സര്‍വിസ് ഉദ്യോഗസ്ഥര്‍ അറിയിച്ചു. ആളപായമൊന്നും റിപ്പോര്‍ട്ട് ചെയ്തിട്ടില്ല.

തീപിടിച്ചതായി അറിയിച്ച് പുലര്‍ച്ചെ 1.30ന് ഫോണ്‍ വന്നതായും ഉടന്‍തന്നെ 18 അഗ്‌നിശമന യൂനിറ്റുകള്‍ എത്തി  രക്ഷാപ്രവര്‍ത്തനം നടത്തിയെന്നും അവര്‍ പറഞ്ഞു.

രാവിലെ 7.20ഓടെയാണ് തീ അണച്ചത്. ഷോര്‍ട്ട് സര്‍ക്യൂട്ടാണ് തീപിടിത്തത്തിലേക്ക് നയിച്ചതെന്നാണ് നിഗമനം. അന്വേഷണം നടക്കുകയാണെന്നും ഉദ്യോഗസ്ഥര്‍ അറിയിച്ചു.

A major fire broke out early Tuesday morning in Bawana, Outer Delhi, destroying over 150 shanties. Firefighters responded quickly to the emergency call received at 1:30 AM, with 18 fire units arriving at the scene.