അസ്ന ദുര്ബലമാകുന്നു; കേരളത്തില് അടുത്ത ഏഴ് ദിവസം മഴക്ക് സാധ്യത, എട്ട് ജില്ലകളില് യെല്ലോ അലര്ട്ട്
തിരുവനന്തപുരം: വടക്കുകിഴക്കന് അറബിക്കടലിന് മുകളില് സ്ഥിതിചെയ്യുന്ന അസ്ന ചുഴലിക്കാറ്റ് തിങ്കളാഴ്ച തീവ്രന്യൂനമര്ദ്ദമായി ശക്തികുറയുമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു.
തെക്കന് ഒഡിഷക്കും തെക്കന് ഛത്തിസ്ഖണ്ഡിനും മുകളില് സ്ഥിതിചെയ്യുന്ന തീവ്രന്യൂനമര്ദ്ദം അടുത്ത 24 മണിക്കൂറിനുള്ളില് പടിഞ്ഞാറ് വടക്കുപടിഞ്ഞാറ് ദിശയില് സഞ്ചരിച്ച് തെക്കന് ഛത്തീസ്ഖഡ്-വിദര്ഭക്ക് മുകളിലായി ന്യൂനമര്ദ്ദമായി മാറും.
ഇതിന്റെ സ്വാധീനഫലമായി കേരളത്തില് അടുത്ത ഏഴ് ദിവസം വ്യാപകമായ മഴക്ക് സാധ്യതയുണ്ട്. കേരള-ലക്ഷദ്വീപ്, കര്ണാടക തീരത്ത് മത്സ്യബന്ധനത്തിനുള്ള വിലക്ക് തുടരും. ആലപ്പുഴ, കോട്ടയം, എറണാകുളം, തൃശ്ശൂര്, മലപ്പുറം, കണ്ണൂര്,കാസര്കോട്,കോഴിക്കോട് ജില്ലകളില് തിങ്കളാഴ്ച യെല്ലോ അലര്ട്ട് പ്രഖ്യാപിച്ചു.
Kerala to experience rainfall for the next 7 days as the Southwest Monsoon weakens, with a yellow alert issued in 8 districts, indicating moderate to heavy rainfall.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."