പത്ത് മണിക്കൂര് നീണ്ട ദൗത്യം; പേരാമ്പ്രയില് നാട്ടിലിറങ്ങിയ ആനയെ കാടുകയറ്റി
കോഴിക്കോട്: പത്ത് മണിക്കൂര് നീണ്ട ദൗത്യത്തിനൊടുവില് പേരാമ്പ്രയില് ജനവാസ മേഖലയിലിറങ്ങിയ കാട്ടാനയെ കാടുകയറ്റി. വനം വകുപ്പ് ഉദ്യോഗസ്ഥരുടെ കഠിന പരിശ്രമത്തിനൊടുവിലാണ് ആനയെ കാട്ടിലേക്കോടിച്ചത്. ഇന്ന് പുലര്ച്ചെയാണ് നാട്ടുകാരെ ഭീതിയിലാഴ്ത്തി കാട്ടാന നാടിറങ്ങിയത്. പ്രഭാത സവാരിക്കിറങ്ങിയവര് അപ്രതീക്ഷിതമായി ആനയെ കാണുകയായിരുന്നു.
പുലര്ച്ചെ 2 മണിയോടെ പന്തിരിക്കര ഭാഗത്തും 5 മണിയോടെ പേരാമ്പ്ര പൈതോത്ത് പള്ളിതാഴെ ഭാഗത്തുമാണ് ആനയെത്തിയത്. വീട്ടുമുറ്റത്ത് എത്തിയ ആന ആളുകള് ബഹളമുണ്ടാക്കിയതിനെ തുടര്ന്ന് ഇവിടെ നിന്ന് പോവുകയായിരുന്നു. പേരാമ്പ്ര ബൈപ്പാസിലൂടെ ഉള്പ്പെടെ ആന കടന്ന് പോകുന്ന ദൃശ്യങ്ങളും പുറത്തുവന്നിരുന്നു. നാട്ടുകാര് വിവരമറിയിച്ചതിനെ തുടര്ന്ന് പെരുവണ്ണാമൂഴിയില് നിന്ന് വനപാലകരും പേരാമ്പ്ര പൊലീസും സ്ഥലത്തെത്തി ആനയെ കാട് കയറ്റുന്നതിനുള്ള ശ്രമങ്ങള് ആരംഭിച്ചു.
elephant that landed in Perampra was taken back to the forest after a ten-hour mission
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."