എയര്‍ ഇന്ത്യ എക്‌സ്പ്രസ് അബൂദബിക്കും ബെഗളുരുവിനുമിടയില്‍ നേരിട്ടുള്ള സര്‍വിസ് ആരംഭിച്ചു. എയര്‍ ഇന്ത്യ എക്‌സ്പ്രസിന്റെ ഏറ്റവും വലിയ സ്റ്റേഷനാണ് ബെംഗളുരു പ്രതിവാരം 200 ലധികം സര്‍വിസാണ് ബെംഗളുരുവില്‍ നിന്നുള്ളത്. അബൂദബി-ബെംഗളുരു വിമാനത്തിന്റെ ആരംഭത്തോടെ മറ്റ് ഇന്ത്യന്‍ നഗരങ്ങളിലുള്ളവര്‍ക്കും അബൂദബിയിലെത്താന്‍ ഇത് സഹായകമാകും. 

അബൂദബിയില്‍ നിന്ന്, കൊച്ചി, കോഴിക്കോട്, ബെംഗളൂരു, കണ്ണൂര്‍, മംഗളൂരു, മുംബൈ, തിരുവനന്തപുരം, തിരുച്ചിറപ്പള്ളി എന്നിവിടങ്ങളിലേക്ക് എയര്‍ ഇന്ത്യ എക്‌സ്പ്രസ് നേരിട്ട് വിമാന സര്‍വീസുകള്‍ നടത്തുന്നുണ്ട്. അബൂദബിയില്‍ നിന്ന് കോയമ്പത്തൂര്‍, മംഗളൂരു, തിരുച്ചിറപ്പള്ളി, എന്നിവിടങ്ങളിലേക്ക് നേരിട്ടുള്ള സര്‍വിസുകള്‍ ആരംഭിക്കുമെന്ന് ഇന്ത്യന്‍ വിമാനക്കമ്പനിയായ ഇന്‍ഡിഗോ അറിയിച്ചിട്ടുണ്ട്. ആഗസ്റ്റ് മാസം മുതലായിരിക്കും ഇന്‍ഡിഗോ സര്‍വിസ് ആരംഭിക്കുക. 

അബൂദബി-മംഗളൂരു വിമാനം ആഗസ്റ്റ് ഒമ്പത് മുതല്‍ ദിവസവും സര്‍വിസ് നടത്തും. തിരുച്ചിറപ്പള്ളി-അബൂദബി വിമാനം ആഗസ്റ്റ് 11 മുതല്‍ ആഴ്ചയില്‍ നാല് ദിവസമായിരിക്കും സര്‍വിസ് നടത്തുക. കോയമ്പത്തൂര്‍-അബൂദബി വിമാനം ആഗസ്റ്റ് 10 മുതല്‍ ആഴ്ചയില്‍ മൂന്ന് സര്‍വിസും നടത്തുമെന്ന് എയര്‍ ഇന്ത്യ അറിയിച്ചിട്ടുണ്ട്. 

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക