'ദാവൂദ് ഇബ്രാഹിമിനെ വെല്ലുന്ന നൊട്ടോറിയസ് ക്രിമിനല്' അജിത് കുമാറിനെതിരെ ആഞ്ഞടിച്ച് പി.വി അന്വര്
മലപ്പുറം: എ.ഡി.ജി.പി അജിത് കുമാറിനെതിരെ രൂക്ഷ വിമര്ശനവുമായി പി.വി അന്വര് എം.എല്.എ. അജിത് കുമാര് നൊട്ടോറിയസ് ക്രിമിനല് ആണെന്നും അദ്ദേഹത്തിന്റെ മാതൃക കുപ്രസിദ്ധനായ ദാവൂദ് ഇബ്രാഹിം ആണെന്നും അന്വര് തുറന്നടിച്ചു.
മന്ത്രിമാരുടെ ഫോണ് കോളുകള് എ.ഡി.ജി.പി ചോര്ത്തുന്നുണ്ടെന്നും ഇതിനായി സൈബര് സെല്ലില് പ്രത്യേക സംവിധാനമുണ്ടെന്നും അന്വര് ആരോപിച്ചു. ഇതിനായി ഐപിഎസ് ഉദ്യോഗസ്ഥരെ ചുമതലപ്പെടുത്തിയതായും അദ്ദേഹം പറഞ്ഞു.അജിത് കുമാര് ആളെ കൊല്ലിച്ചിട്ടുണ്ടെന്ന് ആരോപിച്ച അന്വര് കൂടുതല് തെളിവുകള് പുറത്തു വിടുമെന്ന് പൊലിസിനെ വെല്ലുവിളിച്ചു. കള്ളക്കടത്ത് സംഘവുമായി അജിത് കുമാറിന് ബന്ധമുണ്ടെന്ന് അന്വര് ആരോപിച്ചു.
പൊളിറ്റിക്കല് സെക്രട്ടറി പി.ശശിക്കെതിരെയും അന്വര് പ്രതികരിച്ചു. ശശിയേയും എഡിജിപിയേയും മുഖ്യമന്ത്രി വിശ്വസിച്ച് ചുമതലകള് ഏല്പിച്ചെന്നും എന്നാല് അത് കൃത്യമായി നിര്വഹിച്ചില്ലെന്നും അന്വര് പറഞ്ഞു. പത്തനംതിട്ട എസ്.പിയുടെ ഫോണ്കാള് ചോര്ത്തിയതില് ക്ഷമ ചോദിച്ചു.
PV Anwar MLA has leveled harsh accusations against ADGP Ajith Kumar, alleging that Kumar is a "notorious criminal" with a reputation comparable to the infamous Dawood Ibrahim
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."