തിരുവനന്തപുരം: ഡേ കെയര്‍ സെന്ററുകളില്‍ കാമറ സ്ഥാപിക്കാന്‍ തിരുവനന്തപുരം റേഞ്ച് ഐജി മനോജ് എബ്രഹാമിന്റെ നിര്‍ദ്ദേശം. കൊച്ചിയിലെ ഡേ കെയറില്‍ പിഞ്ചു കുഞ്ഞിനെ മര്‍ദ്ദിച്ച വാര്‍ത്ത പുറത്തുവന്ന സാഹചര്യത്തിലാണ് നടപടി. 

എല്ലാ ഡേ കെയര്‍ സെന്ററുകളിലും കാമറ സ്ഥാപിച്ച് ഇന്റര്‍നെറ്റ് വഴി തത്സമയം ദൃശ്യങ്ങള്‍ മാതാപിതാക്കളുടെ മൊബൈല്‍ ഫോണിലോ കമ്പ്യൂട്ടറിലോ ലഭ്യമാക്കണമെന്നാണ് നിര്‍ദ്ദേശം നല്‍കിയിരിക്കുന്നത്. കൂടാതെ തിരുവനന്തപുരം, കൊല്ലം, പത്തനംതിട്ട ജില്ലകളിലെ ഡേ കെയറുകളില്‍ ഒരു മാസത്തിനകം കാമറകള്‍ സ്ഥാപിച്ചുവെന്ന് ഉറപ്പുവരുത്താന്‍ എസ്‌ഐമാര്‍ക്കും നിര്‍ദ്ദേശം നല്‍കിയിട്ടുണ്ട്.