കുവൈത്ത് സിറ്റി: കുവൈത്തിലെ ജാബർ പാലത്തിൽ നിന്ന് ചാടി ആത്മഹത്യ ചെയ്യാൻ ശ്രമിച്ച ഇന്ത്യക്കാരനെ സ്ഥിരമായി നാടുകടത്താൻ ആഭ്യന്തര മന്ത്രാലയം ഉത്തരവിട്ടു. പതിവ് പരിശോധനക്കെത്തിയ കോസ്റ്റ് ഗാർഡ് ഉദ്യോഗസ്ഥരാണ് ഇയാളെ കണ്ടെത്തിയത്. ഉദ്യോ​ഗസ്ഥരുടെ കൃത്യസമയത്തുള്ള ഇടപെടൽ ഇയാളുടെ പദ്ധതി പൊളിയാൻ കാരണമായി. 

തുടർന്ന് അധികൃതർ നടത്തിയ അന്വേഷണത്തിൽ ഇയാൾ ഒരു ഇന്ത്യൻ പൗരനാണെന്ന് കണ്ടെത്തി. താൻ വ്യക്തിപരമായ ബുദ്ധിമുട്ടുകൾ നേരിടുന്നുണ്ടെന്നും ആത്മഹത്യ മാത്രമാണ് തനിക്ക് മുന്നിലുള്ള ഏക പോംവഴിയെന്നും ഇയാൾ ചോദ്യം ചെയ്യലിൽ വ്യക്തമാക്കി. അന്വേഷണത്തിന് ശേഷം ഇയാളെ നാടുകടത്താനും ആജീവനാന്ത പ്രവേശന വിലക്ക് ഏർപ്പെടുത്താനും ഉദ്യോഗസ്ഥർ തീരുമാനമെടുത്തു.

Kuwait’s Ministry of Interior has ordered the deportation of an Indian man who attempted suicide by jumping from Jaber Bridge. Coast Guard officers, during a routine patrol, intervened in time to prevent the act. Authorities have taken action to deport him following the incident.