കുവൈത്ത് സിറ്റി: വിദേശി സ്ത്രീകളെ വിവാഹം ചെയ്യുന്ന കുവൈത്തി പൗരന്മാരുടെ എണ്ണത്തില്‍ 27 ശതമാനം കുറവുണ്ടായതായി കണക്കുകള്‍. ഈ വര്‍ഷത്തെ ആദ്യ മൂന്നു മാസത്തെ കണക്കുകള്‍ പരിശോധിക്കുമ്പോഴാണ് ഈ ഇടിവ് വ്യക്തമാകുന്നത്. 2025 ജനുവരി മുതല്‍ മാര്‍ച്ച് വരെ, കുവൈത്തി പുരുഷനമാരും വിദേശി സ്ത്രീകളും തമ്മില്‍ 239 വിവാഹങ്ങളാണ് നടന്നത്. 2024ല്‍, ഇത് 326ആയിരുന്നു. കുവൈത്തി പൗരന്മാരും ഗള്‍ഫ് സ്ത്രീകളുമായുള്ള വിവാഹങ്ങളിലാണ് ഏറ്റവും ഇടിവ് സംഭവിച്ചത്. 

കുവൈത്തി പൗരന്മാര്‍ ഏറ്റവും കൂടുതല്‍ വിവാഹം ചെയ്ത വിദേശി സ്ത്രീകള്‍ ഗള്‍ഫില്‍ നിന്നുള്ളവരാണ്, 74 വിവാഹങ്ങള്‍. മുന്‍ വര്‍ഷത്തേക്കാള്‍ 60% കുറവാണിത്. 30 വിവാഹങ്ങളുമായി ബെദൂണ്‍ സ്ത്രീകള്‍ രണ്ടാം സ്ഥാനത്തും, 26 വിവാഹങ്ങളുമായി ഇറാഖി സ്ത്രീകള്‍ മൂന്നാം സ്ഥാനത്തുമാണ്.

2024ലെ ഇതേ കാലയളവില്‍, കുവൈത്ത് പുരുഷന്മാര്‍ 122 ഗള്‍ഫ് സ്ത്രീകളെയും 27 ഇറാഖി സ്ത്രീകളെയും 17 സിറിയന്‍ സ്ത്രീകളെയും 13 ജോര്‍ദാനി സ്ത്രീകളെയും 12 ഈജിപ്തി സ്ത്രീകളെയും 9 യൂറോപ്യന്‍ സ്ത്രീകളെയും 8 ലെബനീസ് സ്ത്രീകളെയും 8 പലസ്തീനി സ്ത്രീകളെയും 6 യെമനി സ്ത്രീകളെയും 5 ആഫ്രിക്കന്‍ സ്ത്രീകളെയും 3 അമേരിക്കന്‍ സ്ത്രീകളെയും മറ്റ് രാജ്യക്കാരായ 12 സ്ത്രീകളെയും വിവാഹം കഴിച്ചു.

Huge drop in number of Kuwaiti citizens marrying expatriate women