റാഞ്ചി: ജാർഖണ്ഡിലെ സാഹിബ്ഗഞ്ച് ജില്ലയിൽ‌ ഗുഡ്സ് ട്രെയിനുകൾ കൂട്ടിയിടിച്ച് ലോക്കോ പൈലറ്റുമാർ മരിക്കുകയും, നാല് പേർക്ക് പരുക്കേൽക്കുകയും ചെയ്തു. ഒരു ട്രെയിൻ ട്രാക്കിൽ നിൽക്കെ, അതേ പാതയിൽ വന്ന മറ്റൊരു ട്രെയിൻ ഇടിച്ചാണ് അപകടം ഉണ്ടായത്. രക്ഷാപ്രവർത്തനം ഇപ്പോഴും തുടരുകയാണ്.

ഇന്ന് പുലർച്ചെ മൂന്ന് മണിയോടെയായിരുന്നു അപകടം. എൻടിപിസിയുടെ ​ഗുഡ്സ് ട്രെയിനുകളാണ് അപകടത്തിൽപെട്ടത്. കൂട്ടിയിടിച്ചതോടെ കൽക്കരിയുമായി വന്ന ട്രെയിനിന് തീപിടിക്കുകയും ​ബോ​ഗികൾ പാളം തെറ്റുകയുമായിരുന്നു. വൈദ്യുതി പ്ലാന്റുകളിലേക്ക് കൽക്കരി അടക്കമുള്ളവ കൊണ്ടു പോകുന്ന എൻടിപിസിയുടെ ഉടമസ്ഥതയിലുള്ള ട്രാക്കുകളിലായിരുന്നു അപകടം.

അപകട സമയത്ത് എൻജിനിൽ ഉണ്ടായിരുന്ന ഏഴ് പേരിൽ ഇതിൽ രണ്ട് പേർ മരിച്ചു. ഒരാൾ ഇപ്പോഴും എൻജിനിൽ കുടുങ്ങിക്കിടക്കുകയാണ്. അതേസമയം പരുക്കേറ്റ നാലുപേർ ഭർഹേത് സാദർ ആശുപത്രിയിൽ ചികിത്സയിലാണ്. ലോക്കോ പൈലറ്റുമാരായ അംബുജ് മഹതോ, ഗ്യാനേശ്വർ മാൽ എന്നിവരാണ് മരിച്ചത്. അപകടത്തിന് കാരണം കൺട്രോളറുടെ ഭാഗത്ത് നിന്നുണ്ടായ പിഴവാണെന്നാണ് എൻടിപിസി ഉദ്യോഗസ്ഥർ പറയുന്നത്. 

A tragic goods train collision in Sahibganj, Jharkhand, resulted in the death of two loco pilots and left four others injured. The accident occurred when a stationary train was hit by another on the same track. Rescue operations are ongoing. The incident highlights railway safety concerns in the region.