അബൂദബി: തൊഴിലുടമക്ക് വീട്ടുജോലിക്കാരുടെ റിക്രൂട്ട്‌മെന്റ് ഫീസ് റീഫണ്ട് ചെയ്യാൻ സാധിക്കുന്ന നാല് സാഹചര്യങ്ങളെക്കുറിച്ച് വിശദമാക്കിയിരിക്കുകയാണ് യുഎഇ മാനവ വിഭവശേഷി, സ്വദേശിവൽക്കരണ മന്ത്രാലയം (MOHRE). തൊഴിലാളി തിരിച്ചെത്തിയതിന് ശേഷമോ അവരുടെ അസാന്നിധ്യം റിപ്പോർട്ട് ചെയ്തതിന് ശേഷമോ രണ്ടാഴ്ചക്കകം ഏജൻസികൾ റീഫണ്ട് പ്രോസസ്സ് ചെയ്യണം. അതേസമയം, റീഫണ്ട് നൽകുന്നതിൽ പരാജയപ്പെട്ടാൽ ഏജൻസികൾക്കെതിരെ നിയമനടപടികൾ സ്വീകരിക്കും. 

1) പ്രോബേഷൻ കാലയളവിൽ തൊഴിലാളി അപ്രാപ്തനോ തൊഴിൽ യോഗ്യതയില്ലാത്തവനോ ആയി കണ്ടെത്തുന്ന സാഹചര്യം.

2) തൊഴിലാളി സാധുവായ കാരണമില്ലാതെ കരാർ റദ്ദാക്കുകയോ ജോലി ഉപേക്ഷിക്കുകയോ ചെയ്യുന്ന സാഹചര്യം.

3) വ്യവസ്ഥകൾ പാലിക്കുന്നതിൽ ഏജൻസി പരാജയപ്പെട്ടതിനാൽ തൊഴിലുടമ കരാർ അവസാനിപ്പിക്കുന്ന സാഹചര്യം.

4) പ്രൊബേഷൻ കാലയളവിൽ തൊഴിലാളി ആരോഗ്യപരമായി അയോഗ്യനാണെന്ന് കണ്ടെത്തിയാൽ, തൊഴിലുടമ അടച്ച സർക്കാർ ഫീസും ഏജൻസി തിരികെ നൽകേണ്ടതുണ്ട്. 

2025 ജനുവരിയിലും ഫെബ്രുവരിയിലും മാത്രം 36 റിക്രൂട്ട്‌മെന്റ് ഏജൻസികൾ നിയമ നടപടികൾ നേരിട്ടതായി MOHRE ലേബർ മാർക്കറ്റ് മാഗസിൻ റിപ്പോർട്ടിൽ വ്യക്തമാക്കി. റിക്രൂട്ട്‌മെന്റ് ഫീസ് രണ്ടാഴ്ചയ്ക്കുള്ളിൽ തിരികെ നൽകാത്തതോ ഒരു തൊഴിലാളിയുടെ അഭാവത്തെക്കുറിച്ച് റിപ്പോർട്ട് ചെയ്യുന്നതിൽ അവഗണന കാണിച്ചതോ ആണ് ഏറ്റവും സാധാരണമായ ലംഘനങ്ങൾ. നിയമങ്ങൾ പാലിച്ചില്ലെങ്കിൽ ലൈസൻസ് റദ്ദാക്കുന്നത് ഉൾപ്പെടെയുള്ള കർശനമായ നടപടികളിലേക്ക് നീങ്ങുമെന്ന് MOHRE ഏജൻസികൾക്ക് മുന്നറിയിപ്പ് നൽകി. 

തൊഴിലുടമകൾക്ക് MOHRE യുടെ ഡിജിറ്റൽ പ്ലാറ്റ്‌ഫോമുകളിലൂടെയോ 80084 എന്ന നമ്പറിൽ ലീഗൽ കൺസൾട്ടേഷൻ സെന്ററിൽ വിളിച്ചോ നിയമലംഘനങ്ങൾ റിപ്പോർട്ട് ചെയ്യാം. ലൈസൻസില്ലാത്ത ഏജൻസികളുമായോ വിശ്വസനീയമല്ലാത്ത സോഷ്യൽ മീഡിയ പരസ്യങ്ങളുമായോ ഇടപെടരുതെന്ന് മന്ത്രാലയം തൊഴിലുടമകൾക്ക് നിർദേശം നൽകി. യുഎഇയിലെ ലൈസൻസുള്ള റിക്രൂട്ട്‌മെന്റ് ഏജൻസികളുടെ പട്ടിക www.mohre.gov.ae എന്ന വെബ്സൈറ്റിൽ ലഭ്യമാണ്.

In the UAE, employers can hire domestic workers through licensed recruitment agencies. The recruitment agency is responsible for refunding recruitment fees to employers in certain situations, such as if the domestic worker is physically unfit to perform their duties