കുവൈത്ത് സിറ്റി: കുവൈത്തില്‍ ഇനിമുതല്‍ വാഹനമോടിക്കുന്നവര്‍ സീറ്റ് ബെല്‍റ്റ് ധരിച്ചില്ലെങ്കില്‍ വന്‍തുക പിഴ ചുമത്തും. കുവൈത്തിലെ അധികാരികള്‍ സീറ്റ് ബെല്‍റ്റ് ധരിക്കുന്നതിന്റെ പ്രാധാന്യം ഓര്‍മിപ്പിച്ചും ട്രാഫിക് നിയമങ്ങള്‍  ശക്തമാക്കിക്കൊണ്ട് കര്‍ശനമായ പിഴകളെക്കുറിച്ചും നിയമലംഘകര്‍ക്ക് നിയമപരമായ പ്രത്യാഘാതങ്ങളെക്കുറിച്ചും മുന്നറിയിപ്പ് നല്‍കി. സീറ്റ് ബെല്‍റ്റ് ധരിക്കാതിരുന്നാല്‍ 30 കുവൈത്ത് ദീനാര്‍ പ്രാരംഭ പിഴയായി ചുമത്തും. നിയമ ലംഘനം കോടതിയിലേക്ക് റഫര്‍ ചെയ്താല്‍, ഒരു മാസം വരെ തടവോ, 50 കുവൈത്ത് ദീനാര്‍ മുതല്‍ 100 കുവൈത്ത് ദീനാര്‍ വരെയുള്ള പിഴയോ അല്ലെങ്കില്‍ രണ്ടും കൂടിയോ ശിക്ഷ ലഭിക്കും. 

സീറ്റ് ബെല്‍റ്റ് ധരിക്കുന്നത് ഒരു പ്രധാനപ്പെട്ട സുരക്ഷാ നടപടിയായതിനാല്‍ അപകടമുണ്ടായാല്‍ മരണ സാധ്യതയും ഗുരുതരമായ പരുക്കും 50% വരെ കുറയ്ക്കും. റോഡ് സുരക്ഷ വര്‍ധിപ്പിക്കുന്നതിനും മരണങ്ങള്‍ കുറയ്ക്കുന്നതിനും ട്രാഫിക് നിയമങ്ങള്‍ പാലിക്കേണ്ടതിന്റെ പ്രാധാന്യം അധികൃതര്‍ ഊന്നിപ്പറഞ്ഞു. കഠിനമായ പിഴകള്‍ ഒഴിവാക്കുന്നതിനും വാഹനമോടിക്കുന്നവരുടെയും യാത്രക്കാരുടെയും ജീവന്‍ സംരക്ഷിക്കുന്നതിനും സീറ്റ് ബെല്‍റ്റ് നിയമങ്ങള്‍ പാലിക്കാന്‍ വാഹനമോടിക്കുന്നവരോട് അധികൃതര്‍ ആവശ്യപ്പെട്ടു.

If you take care, do not grieve anymore; Failure to wear a seat belt in Kuwait can result in hefty fines and jail time