അബൂദബി: യു.എ.ഇയിലെ ഏറ്റവും പുതിയ കാലാവസ്ഥാ വിവരങ്ങള്‍ ദേശീയ കാലാവസ്ഥാ കേന്ദ്രം പ്രസിദ്ധീകരിച്ചു. ഇതുപ്രകാരം രാജ്യത്തിന്റെ പലഭാഗത്തും മൂടല്‍മഞ്ഞ് പ്രവചിക്കുന്നു. മൂടല്‍മഞ്ഞ് കാരണം രാജ്യത്തെ ദേശീയ കാലാവസ്ഥാ കേന്ദ്രം ചുവപ്പ്, മഞ്ഞ അലേര്‍ട്ടുകള്‍ പുറപ്പെടുവിച്ചു. ഇന്ന് രാവിലെ യുഎഇയുടെ പല ഭാഗങ്ങളിലും മൂടല്‍മഞ്ഞ് രൂപപ്പെട്ടു. 

മൊത്തത്തില്‍ തെളിഞ്ഞ കാലാവസ്ഥയായിരിക്കും. ആകാശം ഇടയ്ക്കിടെ ഭാഗികമായി മേഘാവൃതവുമായിരിക്കും. ദ്വീപുകളിലും ചില വടക്കന്‍, തീരദേശ പ്രദേശങ്ങളിലും നേരിയ മഴയ്ക്ക് സാധ്യതയുണ്ടെന്നും കാലാവസ്ഥാ പ്രവചനം അറിയിച്ചു.

ഇന്ന് രാത്രിയും നാളെ (ഡിസംബര്‍ 29) രാവിലെയും താമസക്കാര്‍ക്ക് ഈര്‍പ്പമുള്ള കാലാവസ്ഥ അനുഭവപ്പെടാന്‍ സാധ്യതയുണ്ട്. ചില ഉള്‍പ്രദേശങ്ങളില്‍ മൂടല്‍മഞ്ഞ് ഉണ്ടാകാനും സാധ്യതയുണ്ട്.

മൂടല്‍മഞ്ഞ് ബാധിച്ച പ്രദേശങ്ങള്‍ കാണിക്കാന്‍ കാലാവസ്ഥാ കേന്ദ്രം എക്‌സില്‍ പങ്കിട്ട മാപ്പ് ഇതാ:

 

 

ചിലപ്പോള്‍ നേരിയതോ മിതമായതോ ആയ വടക്കുപടിഞ്ഞാറന്‍ കാറ്റ് ഉണ്ടാകാനും സാധ്യത കാണുന്നു. മണിക്കൂറില്‍ 10 കി.മീ മുതല്‍ മണിക്കൂറില്‍ 25 കി.മീ വരെ വേഗതയില്‍ പൊടിക്കാറ്റ് വീശാനും സാധ്യതയുണ്ട്.

UAE weather: Red, yellow alerts issued for fog; light rain expected in some areas