ദുബൈ: ദുബൈ ഗ്ലോബൽ വില്ലേജിൽ വണ്ടർ കിഡ്‌സ് ഫെസ്റ്റിവലിനു തുടക്കമായി. ഫെബ്രുവരി 28 വരെ നീണ്ടുനിൽക്കുന്ന മൂന്ന് മുതൽ 12 വയസ്സുവരെയുള്ള കുട്ടികൾക്കായുള്ള ആഘോഷമാണ് വണ്ടർ കിഡ്‌സ് ഫെസ്റ്റിവൽ. വൈകിട്ട് 4 മുതൽ 10 വരെയാണ് വണ്ടർ കിഡ്‌സ് ഫെസ്‌റ്റ്. ഫെസ്‌റ്റിവലിന്റെ ഭാഗമായുള്ള വിനോദ - വിദ്യാഭ്യാസ പരിപാടികൾ തീർത്തും സൗജന്യമാണ്. കൂറ്റൻ ബോർഡ് ഗെയിമുകളാണ് ഫെസ്റ്റിവലിന്റെ മുഖ്യ ആകർഷണം. ലോക റെക്കോർഡ് നേടിയ കുറ്റൻ സ്നേക്ക് ആൻഡ് ലാഡർ ബോർഡിൽ കുട്ടികൾ തന്നെ കരുക്കളായി മാറും.

പൈറേറ്റ് ഷിപ് ബാറ്റിലാണ് മറ്റൊരു പ്രധാന വിനോദം. ഫെയ്‌സ്‌ പോയ്ന്റിങ്, ബലൂൺ മോഡലിങ്, ബബിൾ ബില്യാഡ്‌സ് തുടങ്ങിയ ​ഗെയിമുകളുമുണ്ട്. കുട്ടികൾക്ക് കളിക്കൂട്ടുകാരായി ഗ്ലോബൽ വില്ലേജ് കഥാപാത്രങ്ങളായ വലീഫ്, സോയ എന്നിവർക്കൊപ്പം ചോട്ടാ ഭീം, ആന, സിംഹം എന്നിവയും ഉണ്ടാകും. കൂടാതെ, കിഡ്‌സ് തിയറ്ററിൽ ഈ കാർട്ടൂൺ കഥാപാത്രങ്ങൾ അവതരിപ്പിക്കുന്ന ഷോകളും നടക്കും.

The Wonderers' Kids Fest is currently underway at Global Village Dubai, offering a fun-filled experience for kids aged 3-12 until February 28. Enjoy life-sized board games, live shows, and exciting activities daily from 4 pm to 10 pm