ടെഹ്‌റാന്‍: ഫ്രാന്‍സ്, ബ്രിട്ടന്‍, ജര്‍മ്മനി എന്നീ രാജ്യങ്ങളുമായി ആണവ ചര്‍ച്ചകള്‍ നടത്താന്‍ ഇറാന്‍. ജനുവരി 13ന് സ്വിറ്റ്‌സര്‍ലന്‍ഡില്‍ വെച്ച് ആണവ ചര്‍ച്ച നടത്തുമെന്ന് വിദേശകാര്യ മന്ത്രാലയ ഉദ്യോഗസ്ഥനെ ഉദ്ധരിച്ച് പ്രാദേശിക മാധ്യമങ്ങള്‍ ബുധനാഴ്ച റിപ്പോര്‍ട്ട് ചെയ്തു.

ഇറാനും മൂന്ന് യൂറോപ്യന്‍ രാജ്യങ്ങളും തമ്മിലുള്ള പുതിയ ചര്‍ച്ചകള്‍ ജനുവരി 13 ന് ജനീവയില്‍ നടക്കുമെന്ന് നിയമഅന്താരാഷ്ട്ര കാര്യ ഡെപ്യൂട്ടി വിദേശകാര്യ മന്ത്രി കസെം ഘരിബാബാദി പറഞ്ഞു.

സമീപ വര്‍ഷങ്ങളില്‍ ഇറാന്‍ സമ്പുഷ്ടമായ യുറേനിയത്തിന്റെ നിര്‍മ്മാണം വര്‍ദ്ധിപ്പിച്ചിട്ടുണ്ട്. നവംബര്‍ 29ന് ഇറാന്‍ ജനീവയില്‍ വെച്ച് മൂന്ന് യൂറോപ്യന്‍ ശക്തികളുമായി ഒരു കൂടിക്കാഴ്ച നടത്തിയിരുന്നു. കൂടിക്കാഴ്ചയില്‍ സമാധാനപരമായ ആവശ്യങ്ങള്‍ക്കായി ആണവോര്‍ജ്ജത്തിനുള്ള അവകാശത്തില്‍ ഇറാന്‍ ഉറച്ചുനില്‍ക്കുകയും ആണവായുധ ശേഷി വികസിപ്പിക്കാനുള്ള ആഗ്രഹം നിഷേധിക്കുകയും ചെയ്തിരുന്നു.