റിയാദ്: വര്‍ഷങ്ങള്‍ നീണ്ട ആഭ്യന്തരയുദ്ധത്തിന് ശേഷം രാഷ്ട്ര പുനര്‍നിര്‍മ്മാണ നടത്തുകയാണ് സിറിയയിലെ പുതിയ നേതൃത്വം. മിക്ക ലോക രാജ്യങ്ങളും സിറിയയില്‍ സംഭവിക്കുന്ന ഓരോ സംഭവങ്ങളും സസൂക്ഷ്മം വീക്ഷിക്കുകയാണ്. എന്നിരുന്നാലും തുര്‍ക്കിയടക്കം ചില രാജ്യങ്ങള്‍ സിറിയയുടെ പുനര്‍നിര്‍മ്മാണത്തില്‍ പങ്കാളികളാകുമെന്ന് അറിയിച്ചിരുന്നു.

സിറിയയിലെ ജനങ്ങള്‍ക്ക് അവശ്യ സഹായങ്ങള്‍ എത്തിക്കുന്നതിനായി സഊദി അറേബ്യ എയര്‍ബ്രിഡ്ജ് ചെയ്തു. ദുരിതാശ്വാസ സഹായവുമായി എത്തിയ വിമാനം ഡമാസ്‌കസ് അന്താരാഷ്ട്ര വിമാനത്താവളത്തിലാണ് ഇറങ്ങിയത്.

'കിംഗ് സല്‍മാന്‍ ഹ്യുമാനിറ്റേറിയന്‍ എയ്ഡ് ആന്‍ഡ് റിലീഫ് സെന്റര്‍ സിറിയയിലേക്ക് ഒരു എയര്‍ റിലീഫ് ബ്രിഡ്ജ് ആരംഭിച്ചിട്ടുണ്ട്. അവശ്യ സഹായങ്ങള്‍ നല്‍കുന്നതിനായി റിലീഫ് വിമാനം കിംഗ് ഖാലിദ് അന്താരാഷ്ട്ര വിമാനത്താവളത്തില്‍ നിന്ന് ഭക്ഷണം, മെഡിക്കല്‍ സപ്ലൈസ് എന്നിവയുമായി പുറപ്പെട്ടിട്ടുണ്ട്. സിറിയന്‍ ജനത ഇപ്പോള്‍ അനുഭവിക്കുന്ന പ്രയാസകരമായ സാഹചര്യങ്ങളുടെ പ്രത്യാഘാതങ്ങള്‍ ലഘൂകരിക്കാന്‍ ഇതു സഹായിക്കും, 'കെഎസ്‌റെലീഫ് പറഞ്ഞു.