മെൽബൺ: ഓസ്‌ട്രേലിയക്കെതിരായ നാലാം ടെസ്റ്റിൽ വിക്കറ്റ് കീപ്പിങ്ങിൽ തിളങ്ങി റിഷബ് പന്ത്. മിച്ചൽ സ്റ്റാർക്കിനെ ഒരു തകർപ്പൻ റൺ ഔട്ടിലൂടെയാണ് പന്ത് പുറത്താക്കിയത്. 13 പന്തിൽ അഞ്ചു റൺസ് നേടിയാണ് സ്റ്റാർക്ക് മടങ്ങിയത്. ഇതോടെ ഇന്റർനാഷണൽ ക്രിക്കറ്റിൽ ഏറ്റവും കൂടുതൽ ഫീൽഡിങ് ഡിസ്മിസലുകൾ നടത്തുന്ന ഇന്ത്യൻ വിക്കറ്റ് കീപ്പർമാരുടെ പട്ടികയിൽ മൂന്നാം സ്ഥാനത്തെത്താനും പന്തിനു സാധിച്ചു. 

അന്താരാഷ്ട്ര ക്രിക്കറ്റിലെ പന്തിന്റെ 235ാം മത്തെ പുറത്താക്കൽ ആയിരുന്നു ഇത്. 234 ഡിസ്മിസലുകൾ നടത്തിയ സയ്യിദ് കിർമാനിയെ മറികടന്നാണ് പന്ത് മുന്നേറിയത്. 261 ഡിസ്മിസലുകൾ നടത്തിയ നയൻ മോങ്കിയയാണ് പന്തിന്റെ മുകളിൽ ഉള്ളത്. 823 പുറത്താക്കലുകൾ നടത്തികൊണ്ട് എംഎസ് ധോണിയാണ് ഈ പട്ടികയിൽ മുന്നിലുള്ളത്.

ഒന്നാം ഇന്നിഗ്‌സിൽ ഇന്ത്യ 369 റൺസിനാണ് പുറത്തായത്. ഓസ്‌ട്രേലിയൻ ബൗളിങ്ങിൽ പാറ്റ് കമ്മിൻസ്, സ്കോട്ട് ബോളണ്ട്, നഥാൻ ലിയോൺ എന്നിവർ മൂന്ന് വിക്കറ്റുകളാണ്‌ വീഴ്ത്തിയത്. ഇന്ത്യൻ ബാറ്റിംഗിൽ നിതീഷ് കുമാർ റെഡ്ഢി സെഞ്ച്വറി നേടി. 189 പന്തിൽ 114 റൺസാണ് നിതീഷ് നേടിയത്. 11 ഫോറുകളും ഒരു സിക്സുമാണ് നിതീഷ്  നേടിയത്. യശ്വസി ജെയ്‌സ്വാൾ 118 പന്തിൽ 82 റൺസ് ആണ് ജെയ്‌സ്വാൾ നേടിയത്. 11 ഫോറുകളും ഒരു സിക്‌സും അടങ്ങുന്നതാണ് താരത്തിന്റെ ഇന്നിംഗ്സ്. വാഷിംഗ്ടൺ സുന്ദർ 162 പന്തുകളിൽ നിന്നും 50 റൺസാണ് വാഷിംഗ്ടൺ നേടി.