ദുബൈ/റിയാദ്: സഊദി അറേബ്യ ആതിഥേയത്വം വഹിക്കുന്ന അസാധാരണ അറബ്, ഇസ്‌ലാമിക ഉച്ചകോടിയിൽ പങ്കെടുക്കാൻ യു.എ.ഇ പ്രസിഡന്റ് ശൈഖ് മുഹമ്മദ് ബിൻ സായിദ് അൽ നഹ്‌യാനെ പ്രതിനിധീകരിച്ച് വൈസ് പ്രസിഡന്റും ഉപ പ്രധാനമന്ത്രിയും പ്രസിഡൻഷ്യൽ കോർട്ട് ചെയർമാനുമായ ശൈഖ് മൻസൂർ ബിൻ സായിദ് അൽ നഹ്‌യാൻ റിയാദിൽ എത്തി. മേഖലയിലെ സംഭവ വികാസങ്ങൾ ചർച്ച ചെയ്യാനായാണ് യു.എ.ഇ പ്രതിനിധി സംഘം ഉച്ചകോടിയിൽ സംബന്ധിക്കുന്നത്. സഹ മന്ത്രി ശൈഖ് ശഖ്ബൂത് ബിൻ നഹ്‌യാൻ അൽ നഹ്‌യാൻ,

ഊർജ-അടിസ്ഥാന സൗകര്യ മന്ത്രി സുഹൈൽ ബിൻ മുഹമ്മദ് ഫറജ് ഫാരിസ് അൽ മസ്‌റൂയി, വിദേശ-വ്യാപാര സഹ മന്ത്രി ഡോ. ഥാനി ബിൻ അഹമ്മദ് അൽ സിയൂദി, നീതിന്യായ മന്ത്രി അബ്ദുല്ല ബിൻ സുൽത്താൻ ബിൻ അവദ് അൽ നുഐമി, സഹ മന്ത്രി ഖലീഫ ഷഹീൻ അൽ മറാർ എന്നിവർ സംഘത്തിൽ ഉൾപ്പെടുന്നു.

കിംഗ് ഖാലിദ് ഇൻ്റർനാഷണൽ എയർപോർട്ടിൽ എത്തിയ ശൈഖ് മൻസൂറിനേയും സംഘത്തേയും റിയാദ് റീജിയൻ ഡെപ്യൂട്ടി ഗവർണർ പ്രിൻസ് മുഹമ്മദ് ബിൻ അബ്ദുൽ റഹ്മാൻ ബിൻ അബ്ദുൽ അസീസും മുതിർന്ന ഉദ്യോഗസ്ഥരും ചേർന്ന് സ്വീകരിച്ചു.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Sheikh Mansour has arrived in Riyadh, Saudi Arabia, to participate in the Arab and Islamic Summit, a significant gathering of leaders from the region.