കണ്ണൂര്‍: വനമേഖലയില്‍ മാവോയിസ്റ്റുകള്‍ക്കായി തെരച്ചില്‍ നടത്തുന്നതിനിടെ തണ്ടര്‍ബോള്‍ട്ട് സംഘാംഗത്തിന് പാമ്പു കടിയേറ്റു. തൃശൂര്‍ സ്വദേശി ഷാന്‍ജിതിനാണ് കണ്ണൂര്‍ കൊട്ടിയൂര്‍ പന്നിയാംമലയില്‍ വെച്ച് പാമ്പ് കടിയേറ്റത്. സ്‌പെഷ്യല്‍ ഓപ്പറേഷന്‍ ഗ്രൂപ്പായ തണ്ടര്‍ബോള്‍ട്ട് സംഘം സാധാരണയായി നടത്തുന്ന പരിശോധനക്കായാണ് മാവോയിസ്റ്റ് സാന്നിധ്യമുള്ള വനമേഖലയിലെത്തിയത്.

ഉള്‍വനത്തിലൂടെ നടന്നുനീങ്ങുന്നതിനിടെ മരച്ചില്ലയില്‍ തൂങ്ങികിടക്കുകയായിരുന്ന പാമ്പ് ഷാന്‍ജിതിന്റെ കൈയില്‍ കടിക്കുകയായിരുന്നു. സംഘാംഗങ്ങള്‍ ഉടന്‍ തന്നെ ഷാന്‍ജിതിനെ പുറത്തെത്തിച്ച് പ്രാഥമിക ചികിത്സ നല്‍കി. തുടര്‍ന്ന് ആംബുലന്‍സില്‍ മാനന്തവാടി മെഡിക്കല്‍ കോളേജ് ആശുപത്രിയിലേക്ക് കൊണ്ടുപോവുകയായിരുന്നു. 

നാഷണല്‍ സെക്യൂരിറ്റി ഗാര്‍ഡിന്റെ മാതൃകയില്‍ കേരളത്തില്‍ പൊലിസ് രൂപീകരിച്ച കമാന്‍ഡോ സംഘമാണ് കേരള തണ്ടര്‍ബോള്‍ട്ട്. തീവ്രവാദ വിരുദ്ധ പ്രവര്‍ത്തനങ്ങള്‍, നക്‌സല്‍ വിരുദ്ധ പ്രവര്‍ത്തനങ്ങള്‍, ബന്ദികളെ വീണ്ടെടുക്കല്‍, വിഐപി സുരക്ഷ തുടങ്ങിയവയാണ് തണ്ടര്‍ബോള്‍ട്ടിന്റെ പ്രധാന ചുമതലകള്‍.

A thunderbolt member suffers snake bite injuries during a forest operation, highlighting risks faced by security personnel in remote areas, as authorities continue counter-insurgency efforts.