കുവൈത്ത്: 45-ാമത് ഗൾഫ് സഹകരണ കൗൺസിൽ(ജിസിസി) ഉച്ചകോടിയുടെ ഒരുക്കങ്ങൾ പൂർണ്ണമായി. ഡിസംബർ ഒന്ന് ഞായറാഴ്ചയാണ് ജിസിസി ഉച്ചകോടി. അംഗരാജ്യങ്ങൾ തമ്മിലുള്ള വൈദ്യുത-റെയിൽവെ കണക്ടിവിറ്റി, നയതന്ത്ര ബന്ധം, സൈബർ സുരക്ഷ തുടങ്ങിയ വിഷയങ്ങളാണ് ഉച്ചകോടിയുടെ അജണ്ടയെന്ന് കുവൈത്ത് വിദേശകാര്യ മന്ത്രി അബ്ദുല്ല അൽ-യഹ്‌യാ വ്യക്തമാക്കി. 

മേഖല നേരിടുന്ന പ്രധാന രാഷ്ട്രീയ-സാമ്പത്തിക പ്രശ്‌നങ്ങൾ ഉച്ചകോടി അഭിമുഖീകരിക്കും. ജിസിസിയുടെ 43 വർഷ ഐക്യത്തിൻ്റെയും നേട്ടങ്ങളുടെയും പൈതൃകത്തെ ഉയർത്തിക്കാട്ടി ഉച്ചകോടിയുടെ പ്രാധാന്യം കുവൈത്ത് മാധ്യമങ്ങൾ പങ്കുവെച്ചു. 

പ്രമുഖ എഴുത്തുകാരനായ മിസ‌ർ അൽ-നൈസ് മിഡിൽ ഈസ്റ്റിലെ വെല്ലുവിളികൾ നിറഞ്ഞ സാഹചര്യം പരിഗണിച്ച് ഐക്യത്തിന് ആഹ്വാനം ചെയ്‌തു. ഖത്തറിൽ നടന്ന 44-ാമത് ഉച്ചകോടിയുടെ പുരോഗതി ഉച്ചകോടിയുടെ ഭാഗമായി നടന്ന യോഗത്തിൽ ജിസിസി മന്ത്രിമാരും ഉദ്യോഗസ്ഥരും അവലോകനം ചെയ്തു.

Preparations for the 45th GCC Summit in Kuwait have been completed, with the 162nd Foreign Ministers preparatory meeting addressing important issues of cooperation and collaboration amongst member countries .