നടിയെ സ്വാധീനിക്കാന് ശ്രമം; വി എസ് ചന്ദ്രശേഖരനെതിരെ വീണ്ടും കേസ്
കൊച്ചി: പരാതിക്കാരിയായ നടിയെ സ്വാധീനിക്കാന് ശ്രമിച്ചതിന് ലോയേഴ്സ് കോണ്ഗ്രസ് മുന് നേതാവ് അഡ്വ. വി എസ് ചന്ദ്രശേഖരനെതിരെ കേസെടുത്ത് പൊലിസ്. നെടുമ്പാശ്ശേരി പൊലീസാണ് ചന്ദ്രശേഖരനും സുഹൃത്തിനുമെതിരെ കേസെടുത്തത്. പ്രോസിക്യൂഷന് ഇക്കാര്യം കോടതിയെ അറിയിച്ചു.
ചന്ദ്രശേഖരന്റെ മുന്കൂര് ജാമ്യഹര്ജിയില് കോടതി വിധി പറയാനിരിക്കെയാണ് പുതിയ കേസ്. ആദ്യഘട്ടത്തില് നടി മാധ്യമങ്ങളിലൂടെ ലൈംഗിക അതിക്രമത്തെക്കുറിച്ച് വെളിപ്പെടുത്തിയിരുന്നു. പിന്നീടാണ് ചന്ദ്രശേഖരനും സുഹൃത്തും ചേര്ന്ന് നടിയെ സ്വാധീനിക്കാന് ശ്രമിച്ചതെന്നാണ് പ്രോസിക്യൂഷന് കോടതിയെ അറിയിച്ചത്.
ചന്ദ്രശേഖരന്റെ സുഹൃത്ത് ഫോണില് വിളിക്കുകയും, പിന്നാലെ ഫ്ലാറ്റില് അതിക്രമിച്ച് കയറി സ്വാധീനിക്കാന് ശ്രമിച്ചുവെന്നുമാണ് നടി പൊലീസിനെ അറിയിച്ചത്. ലൈംഗിക ചൂഷണത്തിനായി നിര്മാതാവ് താമസിക്കുന്ന ഹോട്ടല് മുറിയിലേക്ക് എത്തിച്ചുവെന്നും, ഷൂട്ടിങ് ലൊക്കേഷനായ ബോള്ഗാട്ടി പാലസ് കാണിക്കാന് കൊണ്ടുപോകുന്നതിനിടെ ലൈംഗികാതിക്രമം നടത്താന് ശ്രമിച്ചുവെന്നുമാണ് ചന്ദ്രശേഖരനെതിരായ നടിയുടെ വെളിപ്പെടുത്തല്.
VS Chandrasekharan faces another legal hurdle as a new case is registered against him for allegedly trying to influence an actress. Stay updated on the latest developments in this ongoing saga.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."