രഞ്ജിത്തിനെ ചലച്ചിത്ര അക്കാദമി ചെയര്മാന് സ്ഥാനത്ത് നിന്ന് മാറ്റണം; വിശദമായ അന്വേഷണ വേണം: കെ. സുധാകരന്
തിരുവനന്തപുരം: നടിയോട് മോശമായി പെരുമാറിയ രഞ്ജിത്തിനെ ചലച്ചിത്ര അക്കാദമി ചെയര്മാന് സ്ഥാനത്ത് നിന്ന് മാറ്റണമെന്ന് കെ.പി.സി.സി അധ്യക്ഷന് കെ. സുധാകരന് എം.പി. സംവിധായകന് തന്നോട് മോശമായി പെരുമാറിയെന്ന ബംഗാളി നടി ശ്രീലേഖ മിത്രയുടെ വെളിപ്പെടുത്തലിന് പിന്നാലെയാണ് സുധാകരന്റെ പ്രതികരണം. രഞ്ജിത്തിനെ അക്കാദമി തലപ്പത്ത് നിന്ന് നീക്കി, വിശദമായ അന്വേഷണം നടത്തണമെന്ന് സുധാകരന് ആവശ്യപ്പെട്ടു. ആരോപണ വിധേയര് പിണറായി സര്ക്കാരിന്റെ പവര് ഗ്രൂപ്പായി പ്രവര്ത്തിക്കുകയാണെന്നും അദ്ദേഹം കൂട്ടിച്ചേര്ത്തു.
മന്ത്രിയും, എം.എല്.എയും, ചലച്ചിത്ര അക്കാദമി ചെയര്മാനുമെല്ലാം ഇതിന്റെ ഭാഗമാണ്. ഇത് കാരണമാണ് ഹേമ കമ്മിറ്റി റിപ്പോര്ട്ട് നാലപ വര്ഷം പൂഴ്ത്തിയത്. റിപ്പോര്ട്ടിലെ ചില ഭാഗങ്ങള് വെട്ടിമാറ്റിയതിലടക്കം ഇവര്ക്ക് പങ്കുണ്ടോ എന്ന് സംശമുണ്ട്. സര്ക്കാരിന്റെ ദുരൂഹമായ ഇടപെടലിന് പിന്നില് കുറ്റാരോപിതരെ സംരക്ഷിക്കാനുള്ള വ്യഗ്രതയാണ്, സുധാകരന് പറഞ്ഞു.
ഇന്ന് വൈകീട്ടോടെയാണ് രഞ്ജിത്തിനെതിരെ ഗുരുതര ആരോപണമുയര്ത്തി നടി ശ്രീലേഖ മിത്ര രംഗത്തെത്തിയത്. 2009-10 കാലഘട്ടത്തില് രഞ്ജിത് സംവിധാനം ചെയ്ത പാലേരി മാണിക്യം സിനിമയില് അഭിനയിക്കാന് എത്തിയപ്പോള് മോശം അനുഭവമുണ്ടായെന്നാണ് നടി പറഞ്ഞത്. ഒരു രാത്രി മുഴുവന് ഹോട്ടലില് കഴിഞ്ഞത് പേടിച്ചാണെന്നും അവര് പറഞ്ഞു.
Ranjith should be removed from the position of chairman of the film academy A detailed investigation is needed says K Sudhakaran
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."