ന്യൂഡല്‍ഹി: മദ്യനയക്കേസില്‍ ഡല്‍ഹി മുഖ്യമന്ത്രി അരവിന്ദ് കെജ് രിവാളിനെ വിചാരണ ചെയ്യാന്‍ അനുമതി. സി.ബി.ഐ കുറ്റപത്രം അംഗീകരിച്ച റൗസ് അവന്യൂ കോടതിയാണ് കെജ്‌രിവാളിനെ വിചാരണ ചെയ്യാന്‍ അനുമതി നല്‍കിയത്. 

നേരത്തെ സി.ബി.ഐ അറസ്റ്റ് റദ്ദാക്കണമെന്ന് ആവശ്യപ്പെട്ട് കെജ് രിവാള്‍ നല്‍കിയ ഹരജി സുപീം കോടതി തള്ളിയിരുന്നു. കേന്ദ്ര അന്വേഷണ ഏജന്‍സി അറസ്റ്റ് ചെയ്തതിനെ ചോദ്യം ചെയ്ത കെജ് രിവാളിന്റെ ഹരജി ഡല്‍ഹി ഹൈക്കോടതിയും തള്ളിയിരുന്നു. 

എന്‍ഫോഴ്‌സ്‌മെന്റ് ഡയറക്ടറേറ്റ് ഫയല്‍ ചെയ്ത കള്ളപ്പണം വെളുപ്പിക്കല്‍ കേസില്‍ തിഹാര്‍ ജയിലില്‍ ജുഡീഷ്യല്‍ കസ്റ്റഡിയിലിരിക്കെ ജൂണ്‍ 26നാണ് കെജ് രിവാളിനെ സി.ബി.ഐ അറസ്റ്റ് ചെയതത്. ഇ.ഡി കേസില്‍ ജൂലൈ 12ന് കെജ് രിവാളന് സുപ്രീംകോടതി ഇടക്കാല ജാമ്യം അനുവദിച്ചിരുന്നു. ഡല്‍ഹി മദ്യനയ അഴിമതി കേസുമായി ബന്ധപ്പെട്ട് മാര്‍ച്ച് 21നാണ് കെജ്‌രിവാളിനെ ഇഡി അറസ്റ്റ് ചെയ്തത്.

Liquor Policy Case  court allowed  CBI to prosecute Arvind Kejriwal