പ്ലാസ്റ്റിക് കവറിട്ട് സാമ്പാര് വിളമ്പി; പരാതി പറഞ്ഞപ്പോള് ചിരിച്ച് തള്ളി; കോഴിക്കോട് ഹോട്ടല് പൂട്ടിച്ചു
പുറമേരി: കോഴിക്കോട് പുറമേരിയില് ഊണിനൊപ്പം വിളമ്പിയ സാമ്പാറില് പ്ലാസ്റ്റിക് കൂട്. ഹോട്ടലില് നിന്ന് ഊണ് കഴിക്കുന്നതിനിടെയാണ് സാമ്പാറില് പ്ലാസ്റ്റിക് കൂട് കിട്ടിയത്. പരാതിയെ തുടര്ന്ന് ആരോഗ്യ വകുപ്പ് ഹോട്ടല് പൂട്ടിച്ചു. സ്ഥാപനത്തിന് പിഴ ചുമത്തുമെന്നും ആരോഗ്യ വകുപ്പ് അധികൃതര് പറഞ്ഞു
വിവരം അറിയിച്ചപ്പോള്, കടയിലെ ജീവനക്കാരന് 'കുഴപ്പമില്ല പഌസ്റ്റിക് സഞ്ചിയല്ലേ' എന്ന മറുപടി നല്കിയതോടെ ഊണ് കഴിക്കാനെത്തിയ വ്യക്തി ആരോഗ്യ വകുപ്പിനെ വിവരം അറിയിക്കുകയായിരുന്നു. സംഭവത്തിന്റെ ദൃശ്യങ്ങള് സമൂഹമാധ്യമങ്ങൡ പ്രചരിക്കുന്നുണ്ട്. കറിയില് പ്ലാസ്റ്റിക് കണ്ടെത്തിയത് പ്രശ്നമില്ലെന്ന നിലപാടായിരുന്നു കടയിലുള്ളവര്ക്ക്. ഭക്ഷണം കഴിക്കാനെത്തിയ ആള് പരാതി പറയുമ്പോള് ജീവനക്കാര് ചിരിക്കുന്നതും ദൃശ്യങ്ങളിലുണ്ട്.
പരാതിയുടെ അടിസ്ഥാനത്തില് ആരോഗ്യ വകുപ്പ് നടത്തിയ പരിശോധനയില് ഊണില്നിന്ന് പ്ലാസ്റ്റിക് സഞ്ചി കണ്ടെടുത്ത് ഹോട്ടല് പൂട്ടിക്കുകയായിരുന്നു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."