കൊച്ചി: ചോദ്യപേപ്പര്‍ വിവാദത്തെ തുടര്‍ന്നു തൊടുപുഴ ന്യൂമാന്‍ കോളജ് അധ്യാപകന്‍ പ്രൊഫ ടി.ജെ ജോസഫിന്റെ കൈപ്പത്തി വെട്ടിമാറ്റിയ കേസിലെ പ്രതിക്ക് ഹൈക്കോടതി ജാമ്യം അനുവദിച്ചു. കേസിലെ 33 -ാം പ്രതി എറണാകുളം കുറുപ്പുംപടി സ്വദേശി അസീസ് ഓടക്കാലിക്കാണ് ഹൈക്കോടതി കര്‍ശന ഉപാധികളോടെ ജാമ്യം അനുവദിച്ചത്.
അഞ്ച് ലക്ഷം രൂപയുടെ ബോണ്ടും രണ്ട് ആള്‍ ജാമ്യവുമാണ് മുഖ്യവ്യവസ്ഥ. എന്‍.ഐ.എയും കോടതിയും ആവശ്യപ്പെട്ടാലല്ലാതെ അശമന്നൂര്‍ വില്ലേജിന്റെ അതിര്‍ത്തി വിട്ടു പോകരുത്, സോഷ്യല്‍ മീഡിയ ചര്‍ച്ചകള്‍, സെമിനാറുകള്‍ തുടങ്ങിയവയിലൊന്നും പങ്കെടുക്കുകയോ പരസ്യ പ്രസ്താവന നടത്തുകയോ ചെയ്യരുത്, സാക്ഷികളെ സ്വാധീനിക്കാനോ തെളിവു നശിപ്പിക്കാനോ ശ്രമിക്കരുത്, മൊബൈല്‍ ഫോണ്‍ ഉപയോഗിക്കരുത്, എന്നിവയില്‍ പങ്കെടുക്കരുത് എന്നിവയാണ് ജാമ്യ വ്യവസ്ഥകള്‍.