ഇന്ദോര്‍ ഐഐടിയും, ഐഐഎമ്മും സംയുക്തമായി നടത്തുന്ന രണ്ടു വര്‍ഷ എംഎസ് സി ഡാറ്റ സയന്‍സ് ആന്റ് മാനേജ്‌മെന്റ് ഓണ്‍ലൈന്‍ പ്രോഗ്രാമിന് അപേക്ഷിക്കാന്‍ അവസരം. ഡിഗ്രിക്കാര്‍ക്കും, വര്‍ക്കിങ് പ്രൊഫഷനലുകള്‍ക്കും മികച്ച അവസരമാണിത്. മേയ് രണ്ടിനകം ഓണ്‍ലൈനായി രജിസ്റ്റര്‍ ചെയ്യേണ്ടതാണ്. 

യോഗ്യത

ഫസ്റ്റ് ക്ലാസ് ബിടെക്/ ബിഇ/ ബിഎസ്/ ബിഫാം/ ബിആര്‍ക്/ ബിഡെസ്/ ബിഎഫ്‌ടെക്/ നാലുവര്‍ഷ ബിഎസ് സി/ എംഎസ് സി/ എംസിഎ/ എംബിഎ യോഗ്യതയുള്ളവര്‍ക്ക് അപേക്ഷിക്കാം. 

പ്രാബല്യത്തിലുള്ള ഐഐഎം കാറ്റ്/ ഗേറ്റ്/ ജിമാറ്റ്/ ജാം ടെസ്റ്റ് സ്‌കോര്‍ നേടിയവരായിരിക്കണം. അല്ലെങ്കില്‍ ഐഐടി ഇന്ദോര്‍ ജൂണ്‍ എട്ടിന് നടത്തുന്ന ഡിമാറ്റ് (ഡാറ്റ സയന്‍സ് ആന്റ് മാനേജ്‌മെന്റ് ആപ്റ്റിറ്റിയൂഡ്) ടെസ്റ്റില്‍ യോഗ്യത നേടണം. 

ഓണ്‍ലൈന്‍ ക്ലാസുകള്‍ ആഗസ്റ്റ് 12 മുതല്‍ ആരംഭിക്കും. വിശദവിവരങ്ങള്‍ക്ക്: https://msdsm.iiti.ac.in സന്ദര്‍ശിക്കുക. 

സംശയങ്ങള്‍ക്ക്: [email protected], [email protected] എന്നീ മെയില്‍ ഐഡികളിലേക്ക് മെസേജ് അയക്കാം.

0731 6603333-5593

msc data science and management online course in iit indore

കൂടുതല്‍ education വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

തിരുവനന്തപുരം ഐസറില്‍ എംഎസ് സി

തിരുവനന്തപുരത്തെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സ് എജുക്കേഷന്‍ ആന്റ് റിസര്‍ച്ച് (ഐസര്‍) രണ്ടുവര്‍ഷ എംഎസ് സി പ്രോഗ്രാമിന് അപേക്ഷിക്കാം. ആഗസ്റ്റില്‍ കോഴ്‌സുകള്‍ ആരംഭിക്കും. ഓണ്‍ലൈനായി മേയ് അഞ്ചിനകം അപേക്ഷ നല്‍കണം. 

ബയോളജി, കെമിസ്ട്രി, മാത്തമാറ്റിക്‌സ്, ഫിസിക്‌സ് സ്‌കൂളുകളിലാണ് ഒഴിവുകള്‍. ഓരോ വിഷയങ്ങളിലും 22 സീറ്റുകള്‍ നിലവിലുണ്ട്. 

യോഗ്യത: 

സയന്‍സ്, എഞ്ചിനീയറിങ്, മാത്തമാറ്റിക്‌സ്/ അനുബന്ധ വിഷയങ്ങളില്‍ ഡിഗ്രിയാണ് യോഗ്യത. 60 ശതമാനം മാര്‍ക്കോടെ പാസായിരിക്കണം. സംവരണ വിഭാഗക്കാര്‍ക്ക് ഇളവുണ്ട്. ഡിഗ്രി ഫൈനല്‍ പരീക്ഷ എഴുതുന്നവര്‍ക്കും അപേക്ഷിക്കാം. 

അപേക്ഷ ഫീസായി 1000 രൂപ അടയ്ക്കണം. എസ്.സി, എസ്.ടിക്കാര്‍ക്ക് 500 രൂപ മതി. 

മേയ് 17ന് സ്‌ക്രീനിങ് ടെസ്റ്റ് നടക്കും. അഭിമുഖം ജൂണില്‍ നടത്തും. സെലക്ട് ആയവര്‍ ജൂലൈ പത്തിനകം ഫീസടച്ച് പ്രവേശനം നേടണം. കൂടുതല്‍ വിവരങ്ങള്‍ക്ക്: [email protected] സന്ദര്‍ശിക്കുക.

കൂടുതല്‍ കരിയര്‍ വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക